मेष

हा महिना आपणास मिश्र फलदायी आहे. ह्या महिन्यात आपणास काही फायदे होतील, तसेच काही त्रास सुद्धा सहन करावे लागतील. मात्र, कोणत्याही नवीन कामाची सुरवात आपणास फायदेशीर ठरेल. आपण आपल्या प्रतिस्पर्ध्यांवर मात करू शकाल. ह्या महिन्यात खर्चात वाढ होईल. अशावेळी आर्थिक नुकसान कमी होण्यासाठी खर्चावर नियंत्रण ठेवावे. आपणास जमीन व वाहन इत्यादींच्या व्यवहारात सावध राहण्याचा सल्ला देण्यात येत आहे. नोकरीत वरिष्ठांचे सहकार्य लाभेल. आवश्यक कामात खर्च होतील, परंतु त्यात आर्थिक फायदा सुद्धा होऊ शकतो. शेअर्स बाजारातील चढ - उतारामुळे आपल्यात थोडी भीती निर्माण झाल्याचे जाणवेल. मात्र, ग्रहांचे भ्रमण आपल्या प्रतिस्पर्ध्यांवर आपणास विजय प्राप्त करून देईल. विद्यार्थ्यांसाठी हा महिना उत्तम आहे. त्यांना अभ्यासात यश प्राप्त होईल. घरातील वातावरण शांत राहिल्याने आपण खुश राहाल. मामा व मावशी ह्यांच्या कडून काही लाभ होण्याची शक्यता आहे. भावंडांशी सौहार्दाचे संबंध राहतील. आपली प्रकृती उत्तम राहील, व आपण लोकात उत्साहाने वावराल. मात्र, घरात एखाद्या वडीलधार्या व्यक्तीच्या प्रकृतीमुळे आपली काळजी वाढण्याची शक्यता आहे. मुलांच्या समस्या सुद्धा आपणास चिंतीत करतील. ह्या महिन्यात जलाशया पासून दूर राहावे, अन्यथा पाण्यामुळे आरोग्य विषयक त्रास होण्याची शक्यता आहे.

वृषभ

हा महिना आपल्यासाठी उत्तम आहे. ह्या महिन्यात आपण निव्वळ आर्थिक बाबींनाच प्राधान्य द्याल. ह्या महिन्यात आपण एखाद्या दुसऱ्या व्यवसायात सुद्धा स्वारस्य दाखवू शकाल. कुटुंबीय व मित्रांच्या सल्ल्यानुसार आर्थिक लाभासाठी एखादा विशेष प्रयत्न किंवा व्यवसाय करू शकाल. ह्या महिन्यात आपण आर्थिक लाभाचे विविध मार्ग शोधण्याचा प्रयत्न कराल, कि ज्यामुळे भविष्यात आपणास आर्थिक चणचण भासणार नाही. ह्या महिन्यात एखाद्या प्रतिष्ठित व्यक्तीशी आपली भेट होईल, जी आपल्या प्रगतीस मदतरूप ठरेल. ग्रहमान उत्तम असल्याने एकदम मोठी झेप घेण्या ऐवजी हळू हळू प्रगती साधण्याचा प्रयत्न केल्यास जास्त लाभ होऊ शकेल. ह्या महिन्यात आपली उद्दिष्टे मोठी असतील व उत्तम आत्मविश्वासामुळे आपण ती गाठू शकाल. विद्यार्थ्यांना परिश्रमाचे यथोचित फळ मिळेल. आपल्या कौटुंबिक संबंधात सलोखा टिकून राहील. संततीशी सलोखा राहील. ह्या महिन्यात आपणास सर्व प्रकारचे लाभ मिळू शकतील. ह्या महिन्यात आपले आरोग्य उत्तम राहील.

मिथुन

हा महिना आपल्यासाठी अतिशय अनुकूलतेचा आहे. ह्या महिन्यात आपल्यात नवीन ऊर्जा व उत्साह असल्याचे दिसून येईल. आपणास नवनवीन कल्पना सुचतील. आपण सर्व कामे पूर्ण आत्मविश्वासाने कराल. मनापासून आपलाच विजय होईल हि आशा बाळगून आपण आपली सर्व कामे करावीत. आपणास जगाला दाखविण्यासाठी नव्हे तर स्वतःसाठी यशस्वी व्हावे लागेल. व्यापार - व्यवसायात सुद्धा आपले मन प्रफुल्लीत राहील. नोकरी व सरकारी कामातून लाभ होतील. व्यापारात प्रगती होईल व प्राप्तीत वाढ. ह्या महिन्यात आपण हौस - मौज करण्यात पैसे खर्च कराल. हा महिना विद्यार्थ्यांसाठी सुद्धा अनुकूलतेचा आहे. हा महिना प्रणयी जीवनासाठी उत्तम आहे. आपणास कुटुंबियांकडून काही भेट वस्तू मिळण्याची शक्यता आहे. मित्रांसह एखाद्या सहलीस जाऊ शकाल. मात्र, आपणास आपल्या वाणीवर नियंत्रण ठेवण्याचा सल्ला देण्यात येत आहे. आपणास बाहेरील पदार्थ खाण्यापासून दूर राहावे लागेल, अन्यथा आपली प्रकृती बिघडण्याची शक्यता आहे. मात्र, आपले मन प्रसन्न राहिल्याने आपणास हा महिना अंशतः उत्तम राहणार आहे.

कर्क

हा महिना आपणास फारसा चांगला नसल्याने आपल्याला ह्या महिन्यात सावध राहावे लागेल. ह्या महिन्यात आपणास कोणत्याही कामात अपेक्षित यश व परिणाम मिळणार नसले तरी त्यामुळे निराश होण्याची गरज नाही. आपणास सतत प्रयत्नशील राहावे लागेल. एखादे नवीन काम सुरु करण्यास महिना अनुकूल आहे, मात्र विचार पूर्वक कामाची सुरवात न केल्यास त्यात नुकसान होण्याची शक्यता आहे. व्यापारात सुद्धा आपणास आपल्या कष्टाचे फळ मिळेल. मात्र, आपल्या विचारात सतत बदल होत राहतील व त्यामुळे आपणास नुकसान होण्याची शक्यता आहे. आपणास धनलाभ होऊ शकतो, मात्र महिना अखेरीस मनोरंजनावर आपण पैसे खर्च करू शकाल. ह्या महिन्यात विद्यार्थ्यांना उच्च शिक्षणात यश प्राप्ती होईल. ह्या महिन्यात आपण काहीसे भावनाशील व्हाल. महिलांशी वाद होण्याची शक्यता आहे. वाणीवर नियंत्रण ठेवणे आपल्या हिताचे होईल. एखादा लांब पल्ल्याचा प्रवास टाळणे हितावह होईल. ह्या महिन्यात आपले शारीरिक व मानसिक आरोग्य उत्तम राहील. मात्र, मातेची प्रकृती बिघडू शकते. रुग्णालयातील ये - जा वाढेल.

सिंह

हा महिना एकंदरीत आपल्यासाठी उत्तम आहे. नवीन कामाची सुरवात करण्याचा प्रयत्न करू शकाल. मात्र, नोकरी - व्यवसायासाठी हा महिना मध्यम फलदायी आहे. मन उदास राहील, म्हणून कोणताही निर्णय घाई गडबडीत घेऊ नये. कोर्ट - कचेरीशी संबंधित कामाच्या कागदपत्रावर स्वाक्षरी केल्याने नुकसान होऊ शकते. हा महिना आर्थिक बाबींसाठी मध्यम फलदायी आहे. ह्या महिन्यात विद्यार्थ्यांना अभ्यासावर लक्ष केंद्रित करावे लागेल. तसे केल्यानेच यश प्राप्ती होऊ शकेल. ह्या महिन्यात पत्नी व संतती कडून लाभ होईल. ह्या महिन्यात कोणाशीही वाद न घालण्याचा सल्ला आपणास देण्यात येत आहे. ताण दूर करण्यासाठी कुटुंबियांच्या सहवासात जास्तीत जास्त वेळ घालवावा. मित्र व नातेवाईकांचा सहवास घडेल. पूजा - पाठाची गोडी निर्माण होईल. ह्या महिन्यात आपले आरोग्य उत्तम राहील. मात्र, दुर्घटना टाळण्यासाठी वाहन सावकाश चालवणे हितावह होईल. कामाच्या व्यापामुळे थकवा जाणवू शकेल.

कन्या

मासिक:-हा महिना आपल्यासाठी मिश्र फलदायी आहे. महिन्याच्या सुरवातीस थोडा त्रास होईल, मात्र नंतर परिस्थितीत सुधारणा होईल. कोणत्याही परिस्थितीत आपण अचानकपणे यु - टर्न घेऊ शकाल. कामात लक्ष लागणार नाही. वरिष्ठांशी मतभेद होतील. नोकरी - व्यवसायातील प्रतिकूल वातावरणामुळे आपण त्रासून जाल. ह्या महिन्यात कोणत्याही नवीन कामा प्रति आपणास उत्साह वाटणार नाही. व्यवसाय वृद्धी करण्यापूर्वी सारासार विचार करून मगच पाऊल उचलावे. तसे पाहता, हळू हळू परिस्थितीत अनुकूल बदल घडून आपणास यश प्राप्ती होईल. आपले नोकरी - व्यवसायात लक्ष लागू शकेल. ह्या महिन्यात विद्यार्थ्यांचे अभ्यासात लक्ष लागणार नाही. त्यामुळे त्यांना अधिक परिश्रम करावे लागतील. कौटुंबिक जीवनात शांतता नांदेल. आर्थिक व सामाजिक कार्यात कुटुंबियांचे सहकार्य मिळेल. आपल्यात परोपकाराची भावना वाढेल व आपण विधायक कार्यात सहभागी होऊ लागाल. मात्र, ह्या महिन्यात आपण एखाद्या कट - कारस्थानात बळी जाण्याची शक्यता आहे. ह्या दरम्यान आपण गप्प राहणे आपल्या हिताचे होईल. ह्या महिन्यात थोडा थकवा जाणवेल. रागावर नियंत्रण न ठेवल्यास स्वतःचे नुकसान करून बसाल. मानसिक शांतीसाठी ध्यान - धारणेचा आधार घ्यावा.

तूळ

हा महिना आपल्यासाठी अतिशय चांगला आहे. ह्या चांगलेपणाचा सदुपयोग करून आपल्या सहकार्यांना सुद्धा प्रसन्न ठेवण्याचा प्रयत्न करा. आपणास कामात यश मिळेल. व्यापार वृद्धीच्या संधी मिळू शकतील. नोकरी करणाऱ्यांना सुद्धा कामे पूर्ण झाल्याने हायसे वाटेल. ह्या महिन्यात परोपकारी कार्यात खर्च होण्याची शक्यता आहे. विरोधकांशी वाद टाळण्याचा प्रयत्न करावा. हा महिना विद्यार्थ्यांसाठी सुद्धा उत्तम आहे. ह्या महिन्यात आपले लक्ष पूजा - पाठ व आध्यात्मिकतेवर अधिक लागेल. आपण एखाद्या आध्यात्मिक गुरूंना शरण जाऊन ध्यानादी कार्याची योजना आखू शकाल. ह्या महिन्यात आपण मानसिक शांतीच्या शोधात राहाल. भावंडांशी संबंधात सलोखा टिकून राहील. मन प्रसन्न राहील. साहित्य, कला व संगीताची गोडी लागेल. मात्र, संततीच्या प्रकृतीमुळे आपण चिंतीत व्हाल. ह्या महिन्यात प्रेम - प्रकरण होण्याची शक्यता आहे. कौटुंबिक वातावरण उत्तम राहिल्याने आपले मन प्रसन्न होईल. मातुलाशी संबंधात सलोखा राहील. ह्या महिन्यात आपले आरोग्य उत्तम राहील, मात्र बाहेरचे पदार्थ खाण्याच्या सवयीमुळे आपणास काही त्रास होऊ शकतो.

वृश्चिक

हा महिना एकंदरीत आपल्यासाठी अनुकूल आहे. ह्या महिन्यात एकाच वेळी अनेक घटना घडतील. आपल्यावर कामातील सर्व उद्दीष्टे पूर्ण करण्याचा दबाव असेल. ह्या महिन्यात व्यक्तिगत व व्यावसायिक बाबतीत सामंजस्य दाखवावे लागेल. वरिष्ठांशी संवाद साधताना सावध राहावे लागेल. कुटुंबियां व्यतिरिक्त जीवनात मित्रांची सुद्धा गरज असते हे आपणास ध्यानात ठेवून व त्यानुसार प्रत्येकासाठी आवश्यक तितका वेळ काढावा लागेल. ह्या महिन्यात आर्थिक स्थिती मजबूत राहील. ह्या महिन्यात विद्यार्थ्यांना अभ्यासाकडे जास्त लक्ष द्यावे लागेल कि जेणे करून अपेक्षित यश मिळू शकेल. ह्या महिन्यात आपणास काम, क्रोध, मद, मोह व ईर्ष्या ह्या सारख्या वाईट विचारां पासून दूर राहावे लागेल. त्यासाठी आपणास सकारात्मकतेने राहावे लागेल. आपल्या मनातील गोष्टी इतरांना सांगून आपण चेष्टेस पात्र ठराल. कितीही त्रास असला तरीही इतरां समोर हसतमुख राहावे. महिन्या अखेरीस कुटुंबियांसह बाहेर जाण्याचा कार्यक्रम आखू शकाल. ह्या महिन्यात प्रकृतीत सतत चढ - उतार होत असल्याचे दिसून येईल. प्रकृती अस्वास्थ्याचा त्रास झाला तरी त्यात घाबरण्या सारखे काही नसेल.

धनु

हा महिना एकंदरीत आपणास चांगला आहे. ह्या दरम्यान आपण आपल्या व्यवसाय वृद्धीचा प्रयत्न करू शकाल. व्यापारा निमित्त एखादा प्रवास यशस्वी सुद्धा होईल. नोकरी करणारे आपली कामे इमानदारीत करतील व त्यामुळे वरिष्ठ आपल्यावर खुश होतील. आपल्या प्राप्तीत सुद्धा वाढ होईल. मात्र, ह्या महिन्यात आपणास विरोधकां समोर कोणतीही चूक न करण्याचा सल्ल्ला देण्यात येत आहे, अन्यथा ते त्याचा भरपूर फायदा उचलतील. हा महिना विद्यार्थ्यांसाठी सुद्धा उत्तम आहे. विद्यार्थ्यांचे अभ्यासात लक्ष लागले तरीही मेहनत करावीच लागेल. आपले वैवाहिक जीवन उत्तम राहील. कुटुंबियांसह आपण एखादा प्रवास करू शकाल. आपण परोपकारी वृत्तीने कामे करून इतरांच्या मदतीस तयार व्हाल. मनातील आवेगास नियंत्रित ठेवा, अन्यथा कुटुंबात वाद निर्माण होतील. ह्या महिन्यात आपले आरोग्य उत्तम राहिले तरीही आपणास त्याची काळजी घ्यावी लागेल. आपणास वाहन चालवताना व जिन्यांची चढ - उतर करताना घाई न करण्याचा सल्ला सुद्धा देण्यात येत आहे.

मकर

ह्या महिन्यात आपणास सावध राहावे लागेल. मात्र, ह्या महिन्यात आपणास आपल्या कष्टाचे फळ मिळेलच. आर्थिक लाभ सुद्धा संभवतात. नोकरीतील व व्यापारातील वातावरण आपणास अनुकूल असेल. कामाच्या व्यापामुळे धावपळ वाढेल. ह्या महिन्यात कोणतेही नवीन काम सुरु करू नका. एखादा दूरवरचा प्रवास टाळण्याचा प्रयत्न सुद्धा करावा. महिलावर्ग सौंदर्य प्रसाधनांच्या वस्तू खरेदीसाठी खर्च करू शकतील. एखाद्या मांगलिक प्रसंगामुळे आभूषण व नवीन वस्त्रांची खरेदी होऊ शकेल. आपणास कोणाशीही वाद न घालण्याचा सल्ला देण्यात येत आहे. ह्या महिन्यात विद्यार्थ्यांना अभ्यासाकडे जास्त लक्ष द्यावे लागेल. अवघड विषयांचा अभ्यास प्रथम करावा. वैवाहिक जीवनात शांतता नांदेल. महिला मित्रांसह एखादा प्रवास करू शकाल. मुलांची काळजी वाटली तरी कौटुंबिक वातावरण आनंदाचे राहील. मित्रांसह सहलीस जाऊ शकाल. मातुला कडून काही चांगली बातमी मिळू शकेल. महिन्याच्या मध्यास एखादी मानसिक चिंता वाटण्याची शक्यता आहे. ह्या दरम्यान आपल्या प्रतिष्ठेस अनुरूप असलेली कामेच आपण करावीत. महिना अखेरीस परिस्थितीत सुधारणा होऊन कुटुंबात खुशीचे वातावरण निर्माण होईल. ह्या महिन्यात आपणास आरोग्याची काळजी घ्यावी लागेल. सर्दी, खोकला व पोटदुखीचा त्रास संभवतो. ह्या महिन्यात जलाशयापासून दूर राहणे आपल्या हिताचे होईल.

कुंभ

हा महिना आपल्यासाठी थोडा त्रासदायी ठरणारा आहे, मात्र महिन्याच्या अखेरीस काही अंशी ह्या त्रासाचे निराकरण होऊ शकेल. ह्या महिन्यात अनावश्यक खर्च होतील. कोणत्याही प्रकारचा महत्वाचा निर्णय आपल्या हिताचा नसेल. ह्या महिन्याच्या अखेरीस भाग्य वृद्धी होईल. महिना अखेरीस नोकरी करणार्यांना लाभ होईल. विद्यार्थ्यांना अभ्यासाची गोडी लागेल. मात्र, अभ्यासात लक्ष लागणे काहीसे कठीण आहे. ह्या महिन्यात शास्त्र किंवा धार्मिक पुस्तके वाचण्यात आवड निर्माण होऊ शकेल. भावंडांशी संबंधात सौहार्दता राहील. पूजा - पाठ करण्याकडे जास्त लक्ष राहील. मित्र व नातेवाईकांची ये - जा झाल्याने आपले मन प्रसन्न होईल. कुटुंबात एखाद्या गोष्टीवरून वाद होतील. आपल्या वाणीवर संयम ठेवण्याचा सल्ला देण्यात येत आहे, अन्यथा आपले जुने संबंध बिघण्याची शक्यता आहे. ह्या महिन्यात आपला स्वभाव चिडचिडा होईल. अनेकदा कामामुळे अन्न त्याग करावा लागल्याने त्याचा परिणाम आपला स्वभाव व आरोग्य ह्यावर होईल. मातेच्या प्रकृतीमुळे सुद्धा आपण चिंतीत होण्याची शक्यता आहे.

मीन

हा महिना आपणास चांगला आहे. आर्थिक लाभ होण्याची शक्यता आहे. नोकरी करणार्यांना ह्या महिन्यात पगार किंवा बोनस ह्यात वाढ मिळण्याची शक्यता आहे. व्यापारातील कामात वृद्धी होईल. व्यावसायिक लाभांसाठी बाहेरचा प्रवास करावे लागण्याची शक्यता आहे. ग्रहस्थितीमुळे होणाऱ्या लाभाचा फायदा उचलण्यासाठी प्रयत्न करावे लागतील. परदेशाशी केलेल्या व्यापारातून लाभ मिळू शकतो. विद्यार्थ्यांसाठी हा महिना उत्तम आहे. कुटुंबियांसह आनंदात वेळ घालवू शकाल. प्रेमाचा सुखद अनुभव घेता येईल. मित्रांशी संबंध चांगले राहतील. नातेवाईकांसह प्रवासास जाऊ शकाल. घरात पाहुण्यांची वर्दळ राहिल्याने महिना आनंदात जाईल. विवाहेच्छुकांचे विवाह ठरण्याची शक्यता आहे. कुटुंबीय आपल्याकडे लहान - सहान तक्रारी घेऊन येतील. आर्थिक, सामाजिक व कौटुंबिक जीवनात ह्या महिन्यात लाभ होत असल्याचे दिसून येईल. ह्या महिन्यात आपले आरोग्य उत्तम राहील, मात्र अतिरिक्त भोजन व मौज - मस्ती ह्यावर नियंत्रण ठेवण्याचा सल्ला देण्यात येत आहे.