बुधवार पेठेतील रेडलाईट एरियात कोंबिग ऑपरेशन १८ मुलींची सुटका

By GARJA ADMIN | प्रकाशित: एप्रिल 01, 2019 03:23 PM 2019-02-12T14:15:30+5:30

शहर : पुणे

बुधवार पेठेतील रेड लाईट एरियात काही घरात मुलींच्या इच्छेविरुद्ध डांबून ठेवून त्यांच्याकडून जबरदस्तीने वेश्या व्यवसाय करुन घेतला जात असल्याच्या मिळालेल्या माहितीवरुन परिमंडळ एकमधील अधिकारी व कर्मचाऱ्यांनी कोबिंग ऑपरेशन करुन १८ मुलींची सुटका केली. याप्रकरणी फरासखाना पोलिसांनी ९ घरमालकांविरुद्ध गुन्हा दाखल केला आहे.

जहाना मोहंमद रजा शेख, रुपा अब्दुलखान (दोघी. रा. माचिस बिल्डिंग), मैली टिकातमांग (रा. मर्गी गल्ली), तारा बकतलतमांग, (शिमला साथमनतमांग), यास्मीन मोबीन शेख (तिघी. रा. वेलकम बिल्डिंग, बुधवार पेठ), काजल गोरे तमांग आणि गंगाबाई कांबळे (दोघी. रा. बुधवार पेठ) अशी गुन्हा दाखल झालेल्यांची नावे आहेत़.

याबाबत पोलिसांनी सांगितले की, बुधवार पेठेतील रेड लाईट एरियातील काही घरात मुलींच्या इच्छेविरुद्ध त्यांच्याकडून जबरदस्तीने वेश्या व्यवसाय करुन घेतला जात असल्याची माहिती पोलीस उपायुक्त सुहास बावचे यांनी शनिवारी मिळाली. त्यानंतर परिमंडळ एक मधील १५ पोलीस अधिकारी व ७० पोलीस महिला, पुरुष कर्मचारी त्यांनी सायंकाळी बुधवार पेठेतील सर्व परिसरात कोबिंग ऑपरेशन केले. संपूर्ण परिसर पिंजून काढला. त्यात या ९ घरमालकांकडे १८ मुली मिळून आल्या. या पीडित मुलींकडे चौकशी केल्यावर त्यांच्याकडून घरमालक, मालकिणी जबरदस्तीने वेश्या व्यवसाय करुन घेत असल्याचे व त्यांच्या कमाईतील ५० टक्के पैसे घरमालक घेत असल्याचे सांगितले़. त्यानंतर या १८ मुलींना न्यायालयात हजर केले. न्यायालयाच्या आदेशानुसार सध्या त्यांना हडपसर येथील रेस्क्यु फाऊंडेशनमध्ये ठेवण्यात आले आहे. फरासखाना पोलिसांनी या ठिकाणी वेश्या व्यवसाय करणाऱ्या सर्व महिलांची वैयक्तिक माहिती असलेला डाटा तयार केला आहे. त्यात त्यांच्या फोटोसह आधार कार्ड व अन्य माहिती नमूद केली आहे. यावरुन बुधवार पेठेत वेश्या व्यवसाय चालत असलेल्या सर्व इमारतींमधील सर्व घरांमध्ये जाऊन पोलिसांनी तपासणी केली. त्यात पोलिसांकडे नोंद नसलेल्या १८ मुली सापडल्या, असे फरासखाना पोलीस ठाण्याचे वरिष्ठ पोलीस निरीक्षक किशोर नावंदे यांनी सांगितले .

बुधवार पेठेतील रेडलाईट एरियात कोंबिग ऑपरेशन १८ मुलींची सुटका

मागे

परवाना रद्द केल्याने केमिस्टकडून महिला अधिकाऱ्याची गोळ्या झाडून हत्या.

पुढे

सीएसएमटी पूल दुर्घटने प्रकरणी सहायक अभियंता एस.एफ. काकुळतेला अटक

दिवसभरातील घडामोडी

बाळासाहेबांचे स्वप्न मनोहर जोशींच्या रूपाने पूर्ण…राज ठाकरे यांनी सांगितली ती आठवण

मनोहर जोशी महाराष्ट्रातील पहिले गैरकाँग्रेसी मुख्यमंत्री,मातोश्री वृद्धाश्रम,सैनिक स्कूलची केली सुरु

Manohar Joshi : ‘नांदवी ते वर्षा’ … कसा होता महाराष्ट्राच्या सरांचा राजकीय प्रवास

‘त्‍याने आता मर्यादा ओलांडली; आपली औकात ओळखावी’,राणेंचा जरागेंवर घणाघात

लोकसभा निवडणुका कधी? निवडणूक आयोगाच्या कामावर सर्वोच्च न्यायालय झाले खुश

या पक्षाची हिम्मत तर पाहा! हायकोर्टाच्या जमिनीवर उघडले पक्षाचे कार्यालय

मनोज जरांगे यांच्यासाठी समाज रस्त्यावर, राज्यभरात अनेक ठिकाणी बंद;‘या’ जिल्ह्यांमध्ये शुकशुकाट

शिंदे गटाकडून ‘या’ ताकदवान नेत्याला राज्यसभेची संधी,मग लोकसभेच्या ‘त्या’ जागेवर काय खेळी होणार?

‘सगेसोयरे’साठी हरकतींचा पाऊस, राज्यभरातून इतक्या मोठ्या संख्येने हरकती

‘अशोक चव्हाणांच्या शहीद भूखंड घोटाळ्यावर मोदीच बोललेले, आता…’ठाकरे गटाचा थेट सवाल