ठळक बातम्या कोलेस्टेरॉलची टेस्ट कधी करावी, कंट्रोलमध्ये कसं ठेवताल? जाणून घ्या.    |     ब्लड शुगर नियंत्रणात आणतात ही हिरवी पाने, जाणून घ्या कसे करावे सेवन.    |     पपईसोबत कधीच खाऊ नयेत ही फळे, अन्यथा गाठावे लागू शकते हॉस्पिटल.    |     नव्या वर्षात अंगी बाणवा ‘या’ सवयी, आजार पळतील दूर….    |     जास्त मीठ खाताय तर हे आजार झालेच समजा, वेळीच सावध व्हा अन्यथा जावू शकतो जीव.    |    

आज धनत्रयोदशी, जाणून घेऊया महत्व आणि मुहूर्त

By DAYANAND MOHITE | प्रकाशित: ऑक्टोबर 25, 2019 12:52 PM 2019-02-12T14:15:30+5:30

आज धनत्रयोदशी, जाणून घेऊया महत्व आणि मुहूर्त

शहर : मुंबई

'प्रकाशमय' अशा सणाला म्हणजे दिवाळीचा आजचा पहिला दिवस. धनत्रयोदशी आणि वसुबारस असे दोन्ही सण एकाच दिवशी आले आहेत. दिवाळी उत्सव चालू असताना धनत्रयोदशीस एक आगळेवेगळे स्वरुप येते. दिवाळीवर पावसाचं सावट असलं तरी सामान्यांचा उत्साह दाणगा आहे.

दिवाळीचा पहिला दिवस म्हणजे धनत्रयोदशी. हिंदू कालदर्शिकेनुसार आश्विन वद्य त्रयोदशीला धनत्रयोदशी असे म्हणतात. या दिवशी धनाची देवता लक्ष्मी आणि धनाचे भांडार कुबेर यांची पूजा केली जाते. यंदा याच दिवशी धन्वंतरी जयंती देखील आली आहे. आयुर्वेदाचे प्रवर्तन करताना धन्वंतरी रूपात विष्णूने अवतार घेतला होता, अशी आख्यायिका आहे.

धनत्रयोदशी पूजेचे शुभ मुहूर्त 

शुभ मुहूर्त – संध्याकाळी 7.08 ते रात्री 8.14 पर्यंत

प्रदोष काल - संध्याकाळी 5.39 ते रात्री 8.14 पर्यंत

धनत्रयोदशी पूजा विधी

धनत्रयोदशीच्या दिवशी पूजा विशेष पद्धतीने केली जाते. तसेच या दिवशी उत्तर दिशेला कुबेर आणि धन्वंतरीची स्थापना करून तुपाचा दिवा लावला जातो. कुबेराला पांढऱ्या रंगाची आणि धन्वंतरीसमोर पिवळ्या रंगाची मिठाईचा नैवैद्य ठेवला जातो. "ॐ ह्रीं कुबेराय नमः" आणि "धनवंतरी स्तोत्र" जप केला जातो. घरातील सोन्या, चांदीचे दागिने आणि नाण्यांची पूजा केली जाते. घराच्या बाहेर राईच्या तेलाचा दिवा देखील लावला जातो.

यंदा धनत्रयोदशी आणि वसूबारस देखील आहे. भारतीय संस्कृतीत पशूधनाची देखील पूजा केली जाते. वसुबारसच्या दिवशी गोधनाची आणि प्राण्यांची पूजा करण्याची परंपरा आहे. गायीच्या पूजनाने सर्व देवतांपाशी आपली सेवा पोहचत असल्याचे मानले जाते. या दिवशी गायीला नैवेद्य दाखवले जाते.

धनत्रयोदशीपासून यंदा दिवाळी सुरू झाली आहे. पाच दिवस असणारी दिवाळी यंदा फक्त तीनच दिवस आहे. धनत्रयोदशीच्या निमित्ताने आज सोन्याच्या दरात वाढ झाली आहे.

मागे

अहोई अष्टमी 2019: इतिहास, पूजा विधी
अहोई अष्टमी 2019: इतिहास, पूजा विधी

पारंपारिकपणे, अहोई अष्टमीच्या दिवशी माता आपल्या मुलांच्या कल्याणासाठी सक....

अधिक वाचा

पुढे  

देवी लक्ष्मीच्या स्वागतासाठी दाराजवळ दिवा लावण्याची प्रथा
देवी लक्ष्मीच्या स्वागतासाठी दाराजवळ दिवा लावण्याची प्रथा

दिवाळी (27 ऑक्टोबर)ला दिवे लावण्याची प्रथा प्राचीन काळापासून चालत आली आहे. ते....

Read more