ठळक बातम्या शनिच्या अवकृपेपासून वाचण्यासाठी पिंपळवृक्षाखाली दिवा लावा!.    |     सूर्य देव कुंभात प्रवेश करेल, या राशींसाठी धन लाभाचे योग.    |     Magh Maas : पुण्य कमविण्यासाठी माघ महिन्याचे महत्त्व जाणून घ्या.    |     १०वी उत्तीर्णांसाठी संधी : लष्करात मेगा भरती.    |     पालकांनो इकडे लक्ष द्या, मुलांसाठी सॅनिटायझरचा वापर करताय !.    |    

बापाला बघितलं आहे का?

By SHEETAL CHAVAN | प्रकाशित: ऑगस्ट 12, 2020 01:17 PM 2019-02-12T14:15:30+5:30

बापाला बघितलं आहे का?

शहर : मुंबई

मोठा झाल्यापासुन बापाला,

कधी मिठी मारून बघितलं आहे का ?

मारून बघा,

ह्रुदय स्थिर होऊन जाईल.

मोठा झाल्यापासुन कधी

बापाचा मुका घेऊन बघितला आहे का?

घेऊन बघा,

बापाची दाढी गालाला रुतल्यावर,

बापा पेक्षा आपण अजुन छोटच आहे,

याची जाणीव होऊन जाईल .

बापाची चप्पल होते म्हणुन कोणी बाप होत नाही,

त्यासाठी आयुष्यभर दुय्यम स्थान घ्याव लागत ,

कधी घेऊन बघितलं आहे का  दुय्यम स्थान ?

घेऊन बघा,

बापाची किंमत कळुन जाईल .

बापाला बुढा, म्हातारा अस म्हणुन बघितल,

साधु लोकांना बाबा म्हंटल,

कधी बापाला बाबा म्हणुन बघितलं आहे का ?

म्हणुन बघा,

खऱ्या संतांची ओळख होऊन जाईल.

बापाचं घरावर नाव नाही,

बापाचं हातावर नाव नाही,

बापाचं छातीवर नाव नाही,

बापाचं गाडीवर नाव नाही,

स्वतःच्या घरात असुन देखील तो परका ,

कधी परका होऊन बघितला आहे का ?

होऊन बघा,

बाप किती खंबीर आहे याची जाणीव होऊन जाईल.

आई प्रेम जास्त आणि बाबाचं कमी अस कधी नसत .

कधी सुर्य आणि चंद्र यांच्यातला

साम्य बघितलं आहे का ?

बघुन घ्या

दोघ ही प्रकाश देतात फक्त

वेळा वेगवेगळ्या असतात.

बाप फक्त पाया पडण्यापुरता नसतो,

त्याला कधी निरखून बघितलं आहे का ?

निरखून बघा,

आयुष्यातील सर्वात मोठा मित्र तुमच्या समोर असतो.

अशीच एक छोटीशी गोष्ट

एका पित्याने अापल्या मुलीचे खूप चांगल्या प्रकारे संगोपन केलं. खूप चांगल्या प्रकारे तिचे शिक्षण केलं...   जेणेकरून मुलीच्या सर्व इच्छा आकांक्षा पूर्ण होण्यास मदत होईल.......

काही काळानंतर ती मुलगी एक यशस्वी व्यक्ती बनली.

आणि एका मल्टी नैशनल कंपनीची सी... झाली. उच्च पद ,भरपूर वेतन, सगळ्या सुख सुविधा तिला कंपनीकडून प्रदान झाल्या होत्या.

एके दिवशी असाच तिचा विवाह एका चांगल्या मुलाशी झाला तिला मुलंही झाली. तिचा आता आपला सुखी परिवार बनला.

वडील म्हातारे होत चालले होते एक दिवस वडीलांना आपल्या मुलीला भेटायची इच्छा झाली.. आणि ते मुलीला भेटायला तिच्या ऑफिस मध्ये गेले. त्यांनी बघितलं की मुलगी एका मोठ्या शानदार ऑफिसची अधिकारी बनलीय. तिच्या ऑफिसात हजारो कर्मचारी तिच्या अधीन राहून काम करत आहेत.

हे सगळं बघून वडीलांची छाती अभिमानानं फुलली !

ते म्हातारे वडील मुलीच्या कॅबिन मध्ये गेले. तिच्या खांद्यावर हात ठेवून उभे राहीले. आणि प्रेमानं त्यांनी आपल्या मुलीला विचारलं की..... "या जगात सगळ्यात शक्तिशाली व्यक्ती कोण आहे "?

मुलगी स्मित हास्य करत, आत्मविश्वासाने म्हणाली. "माझ्याशिवाय कोण असू शकतं बाबा ?"

वडीलांना तिच्याकडून ह्या उत्तराची अपेक्षा नव्हती. त्यांना विश्वास होता की, त्यांची मुलगी गर्वाने म्हणेल की,,,,,

" बाबा, ह्या जगातील सर्वात शक्तिशाली व्यक्ती तुम्हीच आहात. ज्यांनी मला एवढ्या योग्यतेचं बनवलं!"

या विचाराने त्यांचे डोळे भरून आले. ते कॅबिनचा दरवाजा ढकलून बाहेर निघायला लागले. पण राहून त्यांनी परत एकदा वळून मुलीला विचारलं की,,,, परत सांग "या जगात सगळ्यात शक्तिशाली व्यक्ती कोण आहे "?

मुलगी ह्या वेळेस म्हणाली की,,,, "बाबा, तुम्हीच आहात ह्या जगातील सर्वात शक्तिशाली व्यक्ती!"

वडील हे ऐकून आश्चर्यचकित झाले..... ते म्हणाले,,,, अगं, आताच तर तू स्वतःला जगातली सगळ्यात शक्तिशाली व्यक्ती म्हणत होतीस.... आणि आता तू मला शक्तिशाली व्यक्ती म्हणून सांगते आहेस ?"

मुलगी हसत त्यांना आपल्या समोर बसवत बोलली,,, "बाबा, त्यावेळी तुमचा हात माझ्या खांद्यावर होता.

ज्या मुलीच्या खांद्यावर किंवा डोक्यावर वडीलांचा हात असेल. तर ती मुलगी जगातील सर्वात शक्तिशाली व्यक्तीच असेल ना? हो की नाही बाबा!"

वडीलांचे डोळे परत भरून आले. त्यांनी आपल्या मुलीला घट्ट छातीशी धरून करकचून मिठी मारली."....

खरंच आहे की,,,,,, ज्याच्या खांद्यावर किंवा डोक्यावर वडीलांचा हात असेल....ती व्यक्ती जगातील सर्वात शक्तिशाली व्यक्ती असते.

आपल्या प्रगती उन्नतीने फक्त "आई-वडीलच " आपल्या प्रगतीवर खुश असतात.

मागे

'आजची चांगली गोष्ट काय?'
'आजची चांगली गोष्ट काय?'

रोजच्या जीवनात बरेच वेळा असं वाटतं की आपल्या मनासारखं काहीच होत नाही. होतील ....

अधिक वाचा

पुढे  

हातात हात पकडला पाहिजे
हातात हात पकडला पाहिजे

नातं कोणतंही असो मतभेद कितीही असो संबध तोडण्याची भाषा  मुळीच कधी करू न....

Read more