ठळक बातम्या शनिच्या अवकृपेपासून वाचण्यासाठी पिंपळवृक्षाखाली दिवा लावा!.    |     सूर्य देव कुंभात प्रवेश करेल, या राशींसाठी धन लाभाचे योग.    |     Magh Maas : पुण्य कमविण्यासाठी माघ महिन्याचे महत्त्व जाणून घ्या.    |     १०वी उत्तीर्णांसाठी संधी : लष्करात मेगा भरती.    |     पालकांनो इकडे लक्ष द्या, मुलांसाठी सॅनिटायझरचा वापर करताय !.    |    

मला बी यात्रेला येऊ द्या की !

By Sudhir Shinde | प्रकाशित: ऑगस्ट 07, 2019 05:25 PM 2019-02-12T14:15:30+5:30

मला बी यात्रेला येऊ द्या की !

शहर : मुंबई

संत्या : काठी न घोंगड घेऊ द्या की रं, मला बी यात्रेला येव द्या की !

गण्या : आऱ संत्या गान म्हणत अंगात संचारल्यागत नाचत नाचत का येतोयस ?

न्या : कोणत्या यात्रेला तुला जायचं हाय ?

गण्या : पंढरपूरची यात्रा आषाढी एकादशीला झाली. आता कुठली यात्रा ?

संत्या : तुमास्नी काय बी माहिती दिसत न्हाय.

न्या : आता तूच सांग.

संत्या : आऱ यंदा यात्रेला चांगल दिस आलतं.

गण्या : म्हंजे ? कोणत्या यात्रांना चांगलं दिस आलेत?

संत्या : गेल्या म्हैन्यात युवराजांची 'जन आशीर्वाद यात्रा' सुरू झाली. ह्या 1 तारखला मुख्यमंत्रांनी   'महाजनादेश यात्रा' सुरू केली. ६ तारखला जाणत्या राजाच्या पक्षाची 'शिवस्वराज्य यात्रा' निघनार हाय.

न्या : बरं मग पुढं काय ?

संत्या : त्यातच भौजींची माऊली "संवाद यात्रा' सुरू व्हनार हाय .

गण्या : मग तू कोणत्या यात्रेत जाणार म्हंतोस ?

संत्या : आऱ आता आपल्याला कोण ईचारतो ?री पण आमी निष्ठावंत असल्यामुळं आपलंथं नाचत समाधान मानायचं, दुसर काय.

न्या : खरं तर पूर्वी यात्रा म्हणलं की, देवाच्या उत्सवांची नावं पुढ यायची.

गण्या : पंढरपूरची यात्रा, मारलेश्वरची यात्रा, कुंकेश्वराची यात्रा,अमरनाथ यात्रा, या यात्रा माहीत व्हत्या.

न्या : पण स्वातंत्रपूर्व काळात बापुनी मिठावरील कराच्या रोधात पहिली दांडी यात्रा काढली.

संत्या : त्यानंतर गाजली ती 'रामरथ यात्रा'.

गण्या : त्यावरचं 'रामा'यण अजून बी सुरूच हाय .

न्या : रथयात्रा काढणारे आज वनवासात असल्यासारखे राजकारणातून बाजूला फेकले गेलेत.

संत्या : त्यांनी तवा यात्रा काढली नसती तर आज हे सत्तेवर दिसले असते काय ?

गण्या : प तवापासून दर निवडणुकीला रथयात्रा काढण्याची स्पर्धाच सुरू झाली बग.

संत्या : अगदी पालिकेच्या निवडणुकीसाठी उभे र्हाणारेही रथयात्रा काढत्यात.

गण्या : हा आता त्यांच्या रथाला घोडे नसतात, ही गोष्ट येगळी.

न्या : फक्त या यात्राना  येगयेगली नाव देत्यात.

संत्या : पण हेतु एकच आस्तो न्हवं.

गण्या : ज्यांच्या हातात सत्ता हाय ते पुन्हा सत्ता मिळावी म्हनून तर जे सत्तेच्या भायर हायत ते सत्ता मिळावी म्हनून यात्रा काढतात.

न्या : या यात्रांचं आणखी एक इशेष हाय.

संत्या : एका पक्षाच्या नेत्यानं यात्रा काढली की मागून इतर पक्षही त्याचीच री वडत्यात.

न्या : ते तर हायच, या यात्रा शहरातून, मोठ्या रस्त्याने काढल्या जानार .

गण्या : सजवलेल्या गाडीमधन प्रमुख नेता फिरल . त्याचा प्रभाव वाढला की आपोआप पक्षाला फायदा      व्हनार.

संत्या : पर अजून जुन्या पक्षाच्या यात्रेची घोषणा कशी झाली न्हाय?

न्या : यात्रा न काढणार्‍या पक्षांच्या नावाची यादी तशी मोठी व्हईल .

गण्या : ह्या यात्रांचे मार्गही ठरलेले हयात. त्यांना म्हनावं, शेरातल्या झोपड्यामधी, खेड्यागावात खरा म्हाराष्ट्र हाय. तिथ जावा की.

संत्या : आता परतेकाला म्हाराष्ट्राचा पुळका आलाया.

न्या : कुनाला आपल्या सपनातला म्हराष्ट्र घडवायचाय , तर कुनाला म्हराष्ट्राचा आणखीन इकास        करायचाय तर कुणाला आपली पॉवर वाढवायची हाय ?

गण्या : जुन्या पक्षाच्या युवक गटानं 'वेक अप अभियान' सुरू करायचं ठरवलय. ते यात्रेच्या भानगडीत       पडणार न्हायत आसं दिसतंय.

संत्या : दुसरीकड मतदानं यंत्राइरूद्ध इरोधक एकवटल हायत.

न्या : हे म्हंजी नाचता येईना आंग वाकड, आसच ना ?

संत्या : त्यांचा मोर्चा निघनार हाय म्हंने .

गण्या : एकू काय, आता सर्व जागे झालेत.

न्या : यात्रांच्या माध्यमातून आपली प्रतिमा लोकांमध्ये ठसविण्याचे साधन म्हणून यात्रांकडे पाहिले जात   आहे. याचा फायदा कुणाला झाला ते निवडणुकीनंतर समजालच की,

संत्या : आपून कशाला त्याचा ईचार करायचा ?

गण्या : आपली पदयात्रा आता घराकडे सुरू करूया ! चला.  

 

 

मागे

 ऑगस्ट क्रांतीचे विस्मरण नको
 ऑगस्ट क्रांतीचे विस्मरण नको

ज्या क्रांतीमुळे भारताला स्वातंत्र्य मिळाले, त्या ऑगस्ट क्रांतीचे विस्मर....

अधिक वाचा

पुढे  

माणसात पाहिला देव
माणसात पाहिला देव

  ठाणे येथून कोल्हापूरला जाण्यासाठी दिनांक २७ जुलै  रात्री नऊ वाजता महाल....

Read more