ठळक बातम्या कोलेस्टेरॉलची टेस्ट कधी करावी, कंट्रोलमध्ये कसं ठेवताल? जाणून घ्या.    |     ब्लड शुगर नियंत्रणात आणतात ही हिरवी पाने, जाणून घ्या कसे करावे सेवन.    |     पपईसोबत कधीच खाऊ नयेत ही फळे, अन्यथा गाठावे लागू शकते हॉस्पिटल.    |     नव्या वर्षात अंगी बाणवा ‘या’ सवयी, आजार पळतील दूर….    |     जास्त मीठ खाताय तर हे आजार झालेच समजा, वेळीच सावध व्हा अन्यथा जावू शकतो जीव.    |    

२०० कोटींच्या मनी लाँड्रिंग प्रकरणी नोरा फतेहीची तब्बल ६ तास चौकशी

By KISHOR SHINDE | प्रकाशित: सप्टेंबर 03, 2022 09:28 PM 2019-02-12T14:15:30+5:30

२०० कोटींच्या मनी लाँड्रिंग प्रकरणी नोरा फतेहीची तब्बल ६ तास चौकशी

शहर : मुंबई

सुकेश चंद्रशेखर आणि त्यांची पत्नी लीना मारियासह इतर ६ जणांविरुद्ध अंमलबजावणी संचालनालयाकडून २०० कोटींच्या मनी लाँड्रिंग प्रकरणी चौकशी सुरु आहे. याप्रकरणी ईडीकडून ७००० पानांचे आरोपपत्र दाखल करण्यात आले आहे. २०० कोटींच्या मनी लाँड्रिंग प्रकरणात कोट्यावधींची फसवणूक केल्याप्रकरणी हे आरोपपत्र दाखल करण्यात आले आहे. या आरोपपत्रातील दाव्यानुसार, २०० कोटींच्या मनी लाँड्रिंग प्रकरणातील मुख्य आरोपी सुकेश चंद्रशेखरने बॉलिवूड अभिनेत्री जॅकलिन फर्नांडिसवर कोट्यावधी रुपये खर्च केले होते. त्यात अभिनेत्री नोरा फतेहीचेही नाव समोर आलं होतं. नुकतंच सुकेश चंद्रशेखर मनी लॉन्ड्रिंग प्रकरणी दिल्ली पोलिसांच्या आर्थिक गुन्हे शाखेने नोरा फतेहीची चौकशी केली. यानंतर आता येत्या १२ सप्टेंबरला जॅकलिन फर्नांडिसची चौकशी केली जाणार आहे.

एएनआय या वृत्तसंस्थेने दिलेल्या माहितीनुसार, दिल्ली पोलिसांनी २०० कोटींच्या मनी लाँड्रिंग प्रकरणी पोलिसांच्या आर्थिक गुन्हे शाखेने नोरा फतेहीची तब्बल ६ तास चौकशी केली. यावेळी चौकशीदरम्यान तिला ५० प्रश्न विचारण्यात आले. यावेळी उत्तर देताना नोरा म्हणाली, मला सुकेशच्या गुन्हेगारी पार्श्वभूमीबद्दल काहीही माहिती नाही. तसेच या प्रकरणातील आरोपी जॅकलिन फर्नांडिससोबत माझा कोणताही संबंध नाही.

तिला सुकेशकडून कोणती भेटवस्तू मिळाली, ती त्याच्यासोबत कशाप्रकारे बोलायची, ती त्याला कुठे भेटली, यासंह अनेक प्रश्नांचा भडिमार यावेळी नोरावर करण्यात आला. यावर तिने स्पष्ट शब्दात उत्तर दिली. तसेच ती तपास करणाऱ्यांना सहकार्य करत असल्याचे बोललं जात आहे.

दरम्यान काही दिवसांपूर्वी २०० कोटी रुपयांच्या मनी लॉऩ्ड्रिंग प्रकरणात ईडीकडून जॅकलिनची जवळपास ८ तास चौकशी झाली होती. २३ ऑक्टोबर रोजी सुकेश चंद्रशेखरचे वकील यांनी खुलासा केला होता की जॅकलीन तुरुंगात असलेल्या सुकेशसोबत रिलेशनशिपमध्ये होती. पण जॅकलिनने हे खोटे असल्याचे म्हटले होते. “जॅकलिन फर्नांडिसला ईडीने साक्षीदार म्हणून बोलावले आहे. तिने तिचे जबाब नोंदवले असून, ती या पुढेदेखील तपासकार्याला पूर्णपणे सहकार्य करेल,” असे जॅकलिनच्या वकिलाने म्हटले होते. २०० कोटींच्या खंडणीप्रकरणात ‘मद्रास कॅफे’ फेम अभिनेत्री लीना मारिया पॉललाही अटक करण्यात आली.

मागे

अभिनेत्री प्रियंका चोप्राला जेव्हा एका महिलेला सांगावं लागलं, ''मला फक्त मुलंच आवडतात''
अभिनेत्री प्रियंका चोप्राला जेव्हा एका महिलेला सांगावं लागलं, ''मला फक्त मुलंच आवडतात''

बॉलिवूडनंतर हॉलिवूडमध्ये पदार्पण करणारी अभिनेत्री प्रियांका चोप्रा बर्&zwj....

अधिक वाचा

पुढे  

प्रसिद्ध अभिनेत्रीवर भीक मागण्याची वेळ; चोरी करताना अटक! मुंबई पोलिसांकडून वेड्यांच्या विभागात दाखल
प्रसिद्ध अभिनेत्रीवर भीक मागण्याची वेळ; चोरी करताना अटक! मुंबई पोलिसांकडून वेड्यांच्या विभागात दाखल

घरच्यांविरोधात बंडखोरी करुन ती अभिनेत्री होण्यासाठी मुंबईत पळून आली. सुरु....

Read more