ठळक बातम्या शनिच्या अवकृपेपासून वाचण्यासाठी पिंपळवृक्षाखाली दिवा लावा!.    |     सूर्य देव कुंभात प्रवेश करेल, या राशींसाठी धन लाभाचे योग.    |     Magh Maas : पुण्य कमविण्यासाठी माघ महिन्याचे महत्त्व जाणून घ्या.    |     १०वी उत्तीर्णांसाठी संधी : लष्करात मेगा भरती.    |     पालकांनो इकडे लक्ष द्या, मुलांसाठी सॅनिटायझरचा वापर करताय !.    |    

Sunny Leone | लाखोंचा अॅडव्हान्स घेऊन इव्हेंटला दांडी, सनी लिओनी म्हणते चिखलफेक थांबवा

By DAYANAND MOHITE | प्रकाशित: फेब्रुवारी 09, 2021 10:55 AM 2019-02-12T14:15:30+5:30

Sunny Leone | लाखोंचा अॅडव्हान्स घेऊन इव्हेंटला दांडी, सनी लिओनी म्हणते चिखलफेक थांबवा

शहर : मुंबई

लाखो रुपयांचा अ‍ॅडव्हान्स घेऊनही केरळातील कार्यक्रमाला दांडी मारल्याने अभिनेत्री सनी लिओनी (Sunny Leone) चर्चेत आली होती. मात्र आपल्यावरील आरोप बिनबुडाचे असल्याचं सांगत सनीने आयोजकांचे दावे फेटाळले. संबंधित करारामध्ये वेळेत पेमेंट मिळाले नसल्याचा दावा सनीने केला आहे. केरळ पोलिसांनी तिरुअनंतपुरममधील एका खासगी रिसॉर्टमध्ये सनीची चौकशी केली होती. त्यानंतर कोचीतील इव्हेंट मॅनेजरने फसवणुकीची तक्रार दाखल केली होती. (Sunny Leone reacts on Kerala Cheating Charges calls them Deeply Hurtful)

केरळमध्ये विविध उद्घाटन समारंभांना हजेरी लावण्याचं आश्वासन देत अभिनेत्री सनी लिओनीने 29 लाख रुपये घेतले, मात्र कार्यक्रमांना हजेरी लावली नाही, अशी तक्रार इव्हेंट मॅनेजर आर शियास यांनी दाखल केली होती. 2019 मधील कार्यक्रमासाठी हे मानधन घेतलं गेल्याची माहिती आहे. मात्र इव्हेंट मॅनेजरने चुकीची माहिती पसरवल्याचा आरोप सनीने केला आहे.

“मी सामंजस्य दाखवलं, पण…”

अर्धी माहिती ही चुकीच्या माहिती इतकीच भीषण असते. कलाकार म्हणून काम हेच मी माझं दैवत मानते. आयोजकांसाठी मी अनेक वेळा माझं शेड्यूल बदलण्याचा समंजसपणाही दाखवला. पण त्यांनी तारीख नक्की केलीच नाही. अभिनेत्यांची वेळ घेण्यासाठी आगाऊ रक्कम देणे ही जनरित आहे. मात्र शेवटच्या क्षणापर्यंत तेही दिले गेले नव्हते असं सनीने सांगितल्याचं वृत्त ‘Latestly’च्या वेबसाईटवर आहे.

चिखलफेक करणारे आरोप धक्कादायक

वेळ दिल्यानंतर मी एखाद्या इव्हेंटला जाणार नाही, असं शक्यच नाही. वेळेत पेमेंट न केल्यामुळे मी माघार घेतली. पूवरमध्ये मी इतर कार्यक्रम ठरवले होते. आम्ही घड्याळाच्या काट्यावर शूटिंग करत होतो. कोरोना काळात आम्ही आमचा जीव धोक्यात घातला होता. मनोरंजन विश्व रुळावर यावं, इतकीच आमची इच्छा होती. मात्र इव्हेंट समन्वयकांचे असे चिखलफेक करणारे आरोप आणि वर्तन धक्कादायक आहे अशी प्रतिक्रिया सनीने दिली.

करारानुसार कार्यक्रमाच्या सात दिवस आधी साडेबारा लाखांची रक्कम देणे बंधनकारक होते, मात्र ते अद्याप मिळालेले नाहीत. तरीही आपल्या वेळापत्रकात बसल्यास कार्यक्रमाला हजेरी लावण्याची तयारी सनीने दर्शवली होती, अशीही माहिती आहे.

मी तपास अधिकाऱ्यांना माझा जबाब दिला आहे आणि ते तक्रारदार समन्वयकांचीही चौकशी करत आहेत असं सनीने सांगितलं. सध्या ती तिरुअनंतपुरममध्ये एमटीव्ही स्प्लिट्सविला (MTV Splitsvilla) या कार्यक्रमाचं शूटिंग करत आहे.

मागे

Urmila Matondkar B’day | उर्मिला मातोंडकरच्या करिअरवर जेव्हा राम गोपाल वर्मामुळे टाच आली
Urmila Matondkar B’day | उर्मिला मातोंडकरच्या करिअरवर जेव्हा राम गोपाल वर्मामुळे टाच आली

बॉलिवूडची अभिनेत्री उर्मिला मातोंडकरने (Urmila Matondkar) काही दिवसांपूर्वी राजकारण....

अधिक वाचा

पुढे  

Rajiv Kapoor | कपूर कुटुंबावर पुन्हा शोककळा, राजीव कपूर यांचे हृदयविकाराच्या झटक्याने निधन
Rajiv Kapoor | कपूर कुटुंबावर पुन्हा शोककळा, राजीव कपूर यांचे हृदयविकाराच्या झटक्याने निधन

‘राम तेरी गंगा मैली’सारख्या चित्रपटांतून प्रसिद्ध झालेले अभिनेते राजी....

Read more