ठळक बातम्या शनिच्या अवकृपेपासून वाचण्यासाठी पिंपळवृक्षाखाली दिवा लावा!.    |     सूर्य देव कुंभात प्रवेश करेल, या राशींसाठी धन लाभाचे योग.    |     Magh Maas : पुण्य कमविण्यासाठी माघ महिन्याचे महत्त्व जाणून घ्या.    |     १०वी उत्तीर्णांसाठी संधी : लष्करात मेगा भरती.    |     पालकांनो इकडे लक्ष द्या, मुलांसाठी सॅनिटायझरचा वापर करताय !.    |    

केंद्राची सिनेमागृह सुरु करण्यास परवानगी मात्र महाराष्ट्र सरकारचा वेगळा निर्णय

By SHEETAL CHAVAN | प्रकाशित: ऑक्टोबर 01, 2020 07:12 AM 2019-02-12T14:15:30+5:30

केंद्राची सिनेमागृह सुरु करण्यास परवानगी मात्र महाराष्ट्र सरकारचा वेगळा निर्णय

शहर : मुंबई

महाराष्ट्रासोबतच केंद्र सरकारनेही अनलॉक-5 साठी गाईडलाईन्स जारी केल्या आहेत. यामध्ये केंद्र सरकारने एक सीट सोडून 50 टक्के क्षमतेने सिनेमागृह सुरु करण्यास परवानगी दिलीय. केंद्राच्या गाईडलाईन्सनुसार सिनेमागृह 15 ऑक्टोबरपासून सुरु करता येतील. मात्र,महाराष्ट्र सरकारने जारी केलेल्या गाई़डलाईन्स नुसार राज्यातील सिनेमागृह बंद राहणार आहेत.

मार्च महिन्यापासून देशातील सगळी सिनेमागृहे बंद होती. अनलॉक 5मध्ये केंद्र सरकारने सिनेमागृहे सुरु करण्यास मुभा दिली आहे. तशा सूचना देण्यात आल्या आहेत. येत्या 15 ऑक्टोबरपासून 50 टक्के क्षमतेने सिनेमागृहे, नाट्यगृहे, मल्टिप्लेक्स सुरु करता येतील. माहिती आणि सूचना प्रसारण मंत्रालय  याबाबत मार्गदर्शक तत्वे जारी करेल. कंटेन्मेंट झोनमध्ये अजूनही सिनेमागृहे बंदच असून त्यासाठी भविष्यात सूचना दिल्या जातील.

केंद्राची परवानगी असली तरी राज्याच्या गाईडलाईन्सनुसार सिनेमागृहे बंदच

केंद्र सरकारच्या सूचनांनुसार 15 ऑक्टोबरापासून सिनेमागृहे सुरु करता येतील, पण महाराष्ट्र सरकारच्या सूचनांनुसार सिनेमागृहे अजूनही बंदच आहेत. अनलॉक-4 मध्येही राज्य सराकरने सिनेमागृहे बंदच ठेवली ठेवली होती. यावेळीतरी सिनेमागृहे सुरु होतील, अशी अपेक्षा सिनेमागृहांच्या मालकांना होती.

सार्वजनिक कार्यक्रमांनाही केंद्राची परवानगी

केंद्र सरकारने कंटेनमेंट झोनच्या बाहेर सार्वजनिक कार्यक्रमांचे आयोजन करण्यास याआधीच परवानगी दिलेली आहे. अनलॉक-4 मध्ये केंद्र सरकारने सामाजिक, सांसकृतिक कार्यक्रमात 100 नागरिकांना भाग घेण्यास परवानगी दिली होती. यावेळी अनलॉक-5 मध्ये 15 ऑक्टोबरनंतर 100 पेक्षा जास्त नागरिकांना कार्यक्रमात सहभागी होता येईल. पण कार्यक्रमांचे आयोजन करताना सोशल डिस्टन्सिंग तसेच आरोग्य विभागाने घालून दिलेल्या नियमांचे पालन करणेही बंधनकारक आहे.

मागे

Unlock 5 : देशात नवे नियम लागू ; जाणून घ्या काय सुरु आणि काय बंद राहणार
Unlock 5 : देशात नवे नियम लागू ; जाणून घ्या काय सुरु आणि काय बंद राहणार

देशात कोरोना व्हायरस coronavirus चा प्रादुर्भाव दिवसागणिक वाढत असला तरीही आता मात....

अधिक वाचा

पुढे  

'नीट'चा पेपर अवघड गेल्याने विद्यार्थ्याची आत्महत्या, मराठा आरक्षण रद्द झाल्याने आत्महत्या ...
'नीट'चा पेपर अवघड गेल्याने विद्यार्थ्याची आत्महत्या, मराठा आरक्षण रद्द झाल्याने आत्महत्या ...

वैद्यकीय प्रवेशासाठी आवश्यक असलेल्या नीट परीक्षेचा पेपर अवघड गेल्याने नि....

Read more