ठळक बातम्या शनिच्या अवकृपेपासून वाचण्यासाठी पिंपळवृक्षाखाली दिवा लावा!.    |     सूर्य देव कुंभात प्रवेश करेल, या राशींसाठी धन लाभाचे योग.    |     Magh Maas : पुण्य कमविण्यासाठी माघ महिन्याचे महत्त्व जाणून घ्या.    |     १०वी उत्तीर्णांसाठी संधी : लष्करात मेगा भरती.    |     पालकांनो इकडे लक्ष द्या, मुलांसाठी सॅनिटायझरचा वापर करताय !.    |    

आरोग्यमंत्र्यांच्या पत्रकार परिषदेत कोरोनाग्रस्त घुसल्याने तारांबळ, रुग्णालयात दाखल न केल्याचा आरोप

By SHEETAL CHAVAN | प्रकाशित: सप्टेंबर 25, 2020 09:23 PM 2019-02-12T14:15:30+5:30

आरोग्यमंत्र्यांच्या पत्रकार परिषदेत कोरोनाग्रस्त घुसल्याने तारांबळ, रुग्णालयात दाखल न केल्याचा आरोप

शहर : अमरावती

राज्याचे आरोग्यमंत्री राजेश टोपे (Rajesh Tope) यांच्या पत्रकार परिषदेत चक्क कोरोनाग्रस्त घुसल्याचा विचित्र प्रकार घडला. कोरोना संदर्भात आढावा घेण्यासाठी टोपे अमरावतीत आले होते. त्यावेळी जिल्हाधिकारी कार्यालयात पत्रकार परिषद सुरु असताना हा प्रकार घडला.

कोरोनाबाबत आढावा घेतल्यानंतर आरोग्यमंत्री टोपे यांनी पत्रकार परिषद बोलावली. त्याचवेळी पत्रकारांच्या प्रश्नांची उत्तर देताना अचानक 35 वर्षीय कोरोनाग्रस्त पत्रकार परिषदेत शिरला. हा सगळा प्रकार अचानक घडल्याने प्रशासनाची तारांबळ उडाली. आरोग्यमंत्र्यांसमोरच कोरोनाग्रस्त खुलेआम फिरत असल्याचे बघून सर्वांचीच धांदल उडाली.

मी कोरोनाग्रस्त असल्याचे निदान झाल्यानंतरही जिल्हा रुग्णालयात दाखल न केल्याचा आरोप रुग्णाने केला. तसेच आरोग्यमंत्र्यांना भेटण्याची मागणी त्याने केली. टोपेंना भेटल्याशिवाय कुठेही जाणार नसल्याचं तो म्हणाला. तर दुसरीकडे मंत्र्यांसमोरच आरोग्य यंत्रणेचा भोंगळ कारभार चव्हाट्यावर आल्याने अधिकाऱ्यांनी धास्ती घेतली.

अमरावतीत कोरोना रुग्णसंख्या

अमरावतीत कोरोनाग्रस्तांचा आकडा वाढताना दिसतोय. अमरावतीत कोरोनाचे 12 हजार 182 रुग्ण आढळले आहेत. तर एकूण 8 हजार 858 जण बरे झाले आहेत. अमरावती जिल्ह्यात सध्या तीन हजार बाधितांवर उपचार सुरु असून आतापर्यंत 244 जणांचा कोरोनामुळे मृत्यू झाला आहे.

मागे

सुशांतसिंह मृत्यूप्रकरण : सीबीआय तपासावर कुटुंबीय नाराज
सुशांतसिंह मृत्यूप्रकरण : सीबीआय तपासावर कुटुंबीय नाराज

अभिनेता सुशांतसिंह राजपूतच्या  Sushant Singh Rajput मृत्यूप्रकरणी सुरू असलेल्या सीब....

अधिक वाचा

पुढे  

केईएम रुग्णालयात आजपासून कोव्हिशिल्ड लशीच्या चाचणीला सुरुवात
केईएम रुग्णालयात आजपासून कोव्हिशिल्ड लशीच्या चाचणीला सुरुवात

अनेक महिन्यांच्या प्रतिक्षेनंतर अखेर मुंबईच्या केईएम रुग्णालयात शनिवारप....

Read more