ठळक बातम्या कोलेस्टेरॉलची टेस्ट कधी करावी, कंट्रोलमध्ये कसं ठेवताल? जाणून घ्या.    |     ब्लड शुगर नियंत्रणात आणतात ही हिरवी पाने, जाणून घ्या कसे करावे सेवन.    |     पपईसोबत कधीच खाऊ नयेत ही फळे, अन्यथा गाठावे लागू शकते हॉस्पिटल.    |     नव्या वर्षात अंगी बाणवा ‘या’ सवयी, आजार पळतील दूर….    |     जास्त मीठ खाताय तर हे आजार झालेच समजा, वेळीच सावध व्हा अन्यथा जावू शकतो जीव.    |    

राष्ट्रपती पदकविजेते अग्निशमन अधिकारी गायकवाड यांचा अपघाती मृत्यू

By DAYANAND MOHITE | प्रकाशित: मे 01, 2019 12:10 PM 2019-02-12T14:15:30+5:30

राष्ट्रपती पदकविजेते अग्निशमन अधिकारी गायकवाड यांचा अपघाती मृत्यू

शहर : नाशिक

राष्ट्रपती पदक विजेते नाशिक महापालिका अग्निशमन दलाचे उपकेंद्रीय अधिकारी दीपक भटू गायकवाड (४८, रा. सिडको) यांचा अमरावती येथे अपघाती मृत्यू झाला. त्यांच्या अचानक झालेल्या निधनाने सर्वत्र हळहळ व्यक्त होत आहे. ते सुटी संपवून नागपूर येथे अग्निशमन विभागीय प्रशिक्षणाकरिता शिवशाही बसने हजर होत होते. बसला अमरावती येथे अपघात झाल्याने त्यात गायकवाड गंभीर जखमी झाले होते.

नाशिक अग्निशमन मुख्यालय येथे उपकेंद्रीय अधिकारी म्हणून गायकवाड सेवेत होते. अग्निशमन दलाचे धाडसी जवान म्हणून त्यांची ओळख होती. 2016 साली जिल्ह्यात आलेल्या महापुरात कुंदेवाडी येथे पुरात अडकलेल्या तिघांना तसेच पालखेड येथे सहा व्यक्तींना पुराच्या पाण्यातून सुरक्षित बाहेर काढले होते. तसेच जुन्या नाशकात मागील वर्षी कोसळलेल्या वाड्याच्या ढिगाऱ्याखाली दबलेल्या तिघा युवकांना त्यांनी अथक परिश्रम घेऊन बाहेर काढले होते. तसेच आडगाव, वडाळागाव परिसरात लागलेल्या भीषण आगीच्या वेळी ही गायकवाड यांनी अग्रभागी राहून शर्थीचे प्रयत्न करत आपत्कालीन मदतकार्य केले होते.त्यांची निवड राष्ट्रीय अग्निशमन विभागीय प्रशिक्षणासाठी झाली होती. जून महिन्यात प्रशिक्षण पूर्ण होणार होते. दरम्यान सुटीवर ते मागील आठवड्यात घरी आले होते. सुटी संपवून ते नागपूर येथे प्रशिक्षणसाठी शिवशाही बसने जात होते. बसला गेली रविवारी अपघात झाला. या अपघातात त्यांच्या पाठीच्या मणक्याला गंभीर मार लागला होता. त्यांना उपचारासाठी अमरावती येथे रुग्णालयात दाखल करण्यात आले होते. त्यांच्यावर उपचार सुरू असताना प्राणज्योत मालवली. त्यांच्या पार्थिवावर शोकाकुल वातावरणात अंत्यसंस्कार करण्यात आले. त्यांच्या पश्चात पत्नी, मुलगा, मुलगी असा परिवार आहे.  त्यांच्या निधनाने नाशिक अग्निशमन दलात शोककळा पसरली आहे.

मागे

सामान्य माणसाला मोठा झटका, घरगुती गॅसच्या किमतीत भरमसाठ वाढ
सामान्य माणसाला मोठा झटका, घरगुती गॅसच्या किमतीत भरमसाठ वाढ

लोकसभा निवडणुकीदरम्यान सामान्य व्यक्तीला सरकारनं जोराचा धक्का दिला आहे. स....

अधिक वाचा

पुढे  

Maharashtra Day 2019: महाराष्ट्रातील “या” बोलीभाषा आहेत खास
Maharashtra Day 2019: महाराष्ट्रातील “या” बोलीभाषा आहेत खास

वैशिष्टपूर्ण भौगोलिक व सामाजिक रचनेमुळे देशाच्या नकाशावर महाराष्ट्राचे स....

Read more