सुंदर पिचाईंना १४ कोटींची पगारवाढ! तर महिना पगार...

By VISHRANTI SHINDE | प्रकाशित: डिसेंबर 21, 2019 04:12 PM 2019-02-12T14:15:30+5:30

शहर : मुंबई

मुंबई - भारतीय-अमेरिकन वंशाचे 'गुगल' आणि 'अल्फाबेट' या कंपन्यांचे मुख्य कार्यकारी अधिकारी सुंदर पिचाई यांना कंपनीने तब्बल २ दशलक्ष डाॅलर्स (१४ कोटी रुपये) इतकी पगारवाढ दिली आहे. 'सीएनबीसी' या वृत्तसंस्थेने दिलेल्या वृत्तानुसार सुंदर पिचाई यांची टेक होम सॅलरी यंदा २ दशलक्ष डाॅलर्सने वाढणार आहे. त्याशिवाय पिचाई यांना १२० दशलक्ष डाॅलर्सचे शेअर्ससुद्धा दिले जातील.

नुकताच गुगलचीच मूळ कंपनी असलेल्या अल्फाबेटच्या मुख्य कार्यकारी अधिकारी (सीईओ) पदाची जबाबदारी सुंदर पिचाई यांच्यावर सोपवण्यात आली. या जबाबदारीसोबतच सुंदर पिचाई आता जगातील सर्वात शक्तीशाली कॉर्पोरेट व्यक्तीमत्व बनले आहेत. गुगलचे सहसंस्थापक लॅरी पेज आणि सर्गे ब्रिन यांनी अल्फाबेटची धुरा पिचाई यांच्यावर सोपवली आहे. अल्फाबेटने युनायटेड स्टेटस सिक्युरिटी अँड एक्सचेंज कमिशनला दिलेल्या माहितीनुसार पिचाई यांना १२० दशलक्ष डाॅलर्सचे शेअर्ससुद्धा (स्टाॅक आॅप्शन) दिले जातील.

'गुगल'च्या अहवालानुसार सुंदर पिचाई यांचे वार्षिक सॅलरी पॅकेज ६ लाख ५० हजार डॉलर आहे. यात झपाट्याने वाढ होत आहे. या अहवालात १२० दशलक्ष डाॅलर्सच्या शेअर्सचा पिचाई यांना कशा प्रकारे लाभ मिळणार याचीदेखील माहिती देण्यात आली आहे. तसेच पिचाई यांना प्रोत्साहन भत्त्यापोटी ४५ दशलक्ष डाॅलर्स मिळणार आहेत. २०१४ पासून पिचाई यांना स्टाॅक आॅप्शनमधून ५५० दशलक्ष डाॅलर्स मिळाले आहेत. पिचाई यांना २०१५ साली ६ लाख ५२ हजार ५०० दशलक्ष अमेरिकन डॉलर एवढा पगार मिळाला होता.

जगातील आघाडीची कंपनी असलेल्या 'गुगल'चे भारतीय वंशाचे मुख्य कार्यकारी अधिकारी (सीईओ) सुंदर पिचाई यांनी वार्षिक पगाराच्या बाबतीत एक नवं शिखर गाठलं आहे. पिचाई यांना २०१६ या वर्षांत पगार व अन्य भत्त्यांच्या स्वरूपात तब्बल १२.८५ अब्ज रुपये मिळाले आहेत. आधीच्या वर्षाच्या तुलनेत ही रक्कम दुप्पट असून सरासरी काढल्यास महिन्याला त्यांना १०० कोटी मिळाले आहेत.

सुंदर पिचाईंना १४ कोटींची पगारवाढ! तर महिना पगार...

मागे

भारतीय सैन्यदल प्रमुखपदी 'या' मराठी अधिकाऱ्याची वर्णी

पुढे

अर्जूना नदीपात्रातून प्रकटला श्रीगणेशा.. उत्खननात सापडली पुरातन मूर्ती!

दिवसभरातील घडामोडी

बाळासाहेबांचे स्वप्न मनोहर जोशींच्या रूपाने पूर्ण…राज ठाकरे यांनी सांगितली ती आठवण

मनोहर जोशी महाराष्ट्रातील पहिले गैरकाँग्रेसी मुख्यमंत्री,मातोश्री वृद्धाश्रम,सैनिक स्कूलची केली सुरु

Manohar Joshi : ‘नांदवी ते वर्षा’ … कसा होता महाराष्ट्राच्या सरांचा राजकीय प्रवास

‘त्‍याने आता मर्यादा ओलांडली; आपली औकात ओळखावी’,राणेंचा जरागेंवर घणाघात

लोकसभा निवडणुका कधी? निवडणूक आयोगाच्या कामावर सर्वोच्च न्यायालय झाले खुश

या पक्षाची हिम्मत तर पाहा! हायकोर्टाच्या जमिनीवर उघडले पक्षाचे कार्यालय

मनोज जरांगे यांच्यासाठी समाज रस्त्यावर, राज्यभरात अनेक ठिकाणी बंद;‘या’ जिल्ह्यांमध्ये शुकशुकाट

शिंदे गटाकडून ‘या’ ताकदवान नेत्याला राज्यसभेची संधी,मग लोकसभेच्या ‘त्या’ जागेवर काय खेळी होणार?

‘सगेसोयरे’साठी हरकतींचा पाऊस, राज्यभरातून इतक्या मोठ्या संख्येने हरकती

‘अशोक चव्हाणांच्या शहीद भूखंड घोटाळ्यावर मोदीच बोललेले, आता…’ठाकरे गटाचा थेट सवाल