PAYTM | पेटीएम युजर्सला धक्का, गुगल प्ले स्टोअरवरुन पेटीएम अ‍ॅप हटवले
By DAYANAND MOHITE | प्रकाशित: सप्टेंबर 18, 2020 03:43 PM 2019-02-12T14:15:30+5:30
शहर : देश
डिजीटल व्यवहारातील अग्रगण्य समजलं जाणारे पेटीएम अ‍ॅप गुगल प्ले स्टोअरवरुन हटवण्यात आले आहे. यामुळे आता गुगल प्ले स्टोअरवरुन पेटीएम डाऊनलोड करता येणार नाही. यामुळे लाखो पेटीएम युजर्सला धक्का बसला आहे. पेटीएमने गुगलच्या मार्गदर्शक तत्वाचे उल्लंघन केल्याने हे अ‍ॅप्लिकेशन हटवण्यात आल्याचे सांगितलं जात आहे.
Paytm taken off Google Play Store, citing policy violations. More details awaited. pic.twitter.com/fa2se6YSTn
— ANI (@ANI) September 18, 2020
गुगल प्ले स्टोअरने दिलेल्या माहितीनुसार, पेटीएमने गुगलच्या मार्गदर्शक तत्वाचे उल्लंघन केले आहे, त्यामुळे पेटीएमचे अ‍ॅप्लिकेशन हटवण्यात आले आहे. ऑनलाईन जुगार किंवा विविध खेळांवरील सट्टेबाजीला प्रोत्साहन देणाऱ्या कोणत्याही अ‍ॅपची आम्ही जाहिरात किंवा प्रमोशन करु शकत नाही. त्याव्यतिरिक्त इतर कोणतेही अ‍ॅप जे रोख बक्षिसे किंवा पैसे जिंकण्याबाबतची आश्वासन देतात, त्यांची जाहिरात आम्ही करत नाही, असे निवेदन गुगलने जारी केले आहे.त्यामुळे पेटीएमचे अ‍ॅप्लिकेशन गुगल प्ले स्टोअरवरुन हटवण्यात आले आहे. सद्यस्थितीत गुगलच्या प्लेस्टोअरमध्ये पेटीएमचे अ‍ॅप्लिकेशन पाहायला मिळत नाही. त्यामुळे ते डाऊनलोडही करता येणार नाही. मात्र पेटीएमशी संबंधित इतर पेटीएम बिझनेस, पेटीएम मनी, पेटीएम मॉल हे अ‍ॅप प्ले स्टोअरवर अद्याप कायम आहेत. ते हटवण्यात आलेले नाही.
मागे
मुख्यमंत्री कार्यालयाच्या गोंधळामुळे भारतरत्न डॉ.बाबासाहेबांच्या पुतळ्याचा पायाभरणी कार्यक्रम रद्द
अचानक ठरलेला दादरच्या इंदूमिलमध्ये भारतरत्न डॉ. बाबासाहेब आंबेडकर यांच्य....
अधिक वाचापुढे
मराठा आरक्षणाच्या मुद्द्यावर राजीनामा द्यावा लागला तर मी देणारच : उदयनराजे
"मी कधी राजकारण करत नाही. मराठा आरक्षणाच्या मुद्द्यावर राजीनामा द्यावा ला....
Read more
