ठळक बातम्या शनिच्या अवकृपेपासून वाचण्यासाठी पिंपळवृक्षाखाली दिवा लावा!.    |     सूर्य देव कुंभात प्रवेश करेल, या राशींसाठी धन लाभाचे योग.    |     Magh Maas : पुण्य कमविण्यासाठी माघ महिन्याचे महत्त्व जाणून घ्या.    |     १०वी उत्तीर्णांसाठी संधी : लष्करात मेगा भरती.    |     पालकांनो इकडे लक्ष द्या, मुलांसाठी सॅनिटायझरचा वापर करताय !.    |    

नांदगावकरांच्या विदर्भ दौऱ्यात प्रमुख नेत्यांची दांडी? मनसेत नाराजीनाट्याची चर्चा

By DAYANAND MOHITE | प्रकाशित: जानेवारी 14, 2021 10:47 AM 2019-02-12T14:15:30+5:30

नांदगावकरांच्या विदर्भ दौऱ्यात प्रमुख नेत्यांची दांडी? मनसेत नाराजीनाट्याची चर्चा

शहर : नागपूर

विदर्भात महाराष्ट्र नवनिर्माण सेनेला गटबाजीचं ग्रहण लागल्याची चर्चा आहे. मनसे नेते बाळा नांदगावकर यांच्या दौऱ्यात विदर्भातील प्रमुख नेत्यांनी दांडी मारल्याची माहिती आहे. त्यामुळे आगामी ग्रामपंचायत निवडणुकांच्या तोंडावर मनसेमध्ये नाराजीनाट्य पसरल्याचं बोललं जात आहे.

मनसे नेते बाळा नांदगावकर विदर्भाच्या दौऱ्यावर आहेत. मात्र मनसेचे प्रदेश उपाध्यक्ष राजू उंबरकर आजच्या दौऱ्यात उपस्थित नाहीत. गटबाजीमुळे विदर्भातील मनसेचे प्रमुख नेते नाराज आहेत का? असा सवाल विचारला जात आहे.

राज ठाकरेंकडून पूर्ण ताकदीने उतरण्याचे आदेश

राज्यात होणाऱ्या ग्रामपंचायत निवडणुकीत सर्व ठिकाणी उमेदवार उभे करा, ही निवडणूक पूर्ण ताकदीने लढवा, असे आदेश मनसे अध्यक्ष राज ठाकरे यांनी मनसेच्या सर्व जिल्हाध्यक्षांना दिले आहेत. मनसेही या निवडणुकीत ताकदीने उतरणार असल्याने ग्रामपंचायतीची निवडणूक चौरंगी होण्याची शक्यता वर्तवण्यात येत आहे.

मनसे पहिल्यांदाच गावपातळीच्या राजकारणात

राज ठाकरेंचा पक्ष हा फक्त मुंबई, नाशिक, ठाणे पुण्यासारख्या मोठ्या शहरात अस्तित्वात आहे, अशी टीका नेहमी केली जाते. पण, यावेळी ग्रामपंचायतीच्या निमित्ताने मनसे (MNS) पहिल्यांदाच गावपातळीच्या राजकारणात आपली ताकद आजमावत आहे. ग्रामपंचायत निवडणुका लढवण्याची घोषणा केल्यामुळे कार्यकर्त्यांमध्ये उत्साहाचं वातावरण निर्माण झालं आहे.

रिव्हर्स मोडवरचे इंजिन पुन्हा रुळावर येणार?

सध्या रिव्हर्स मोडवर असलेले मनसेचे इंजिन ग्रामपंचायत निवडणुकांमध्ये नशीब आजमावत पुन्हा एकदा रुळावर येईल, अशी आशा व्यक्त केली जात आहे. म्हणून मनसेने आपला मोर्चा गाव पातळीवर वळवलाय. परंतु विदर्भात गटबाजीचं वातावरण असल्याचं चित्र आहे. याचा फटका मनसेला बसण्याची शक्यता नाकारता येत नाही.

मागे

नवाब मलिक यांच्या जावयाच्या घरावर NCB ची धाड, समीर खान यांच्या घरी सर्च ऑपरेशन
नवाब मलिक यांच्या जावयाच्या घरावर NCB ची धाड, समीर खान यांच्या घरी सर्च ऑपरेशन

राष्ट्रवादीचे प्रवक्ते आणि अल्पसंख्याक मंत्री नवाब मलिक (Nawab Malik) यांचे जावई स....

अधिक वाचा

पुढे  

प्रजासत्ताक दिनी राजपथावरील परेडमध्ये बांग्लादेशचे जवान सहभागी होणार
प्रजासत्ताक दिनी राजपथावरील परेडमध्ये बांग्लादेशचे जवान सहभागी होणार

कोरोना विषाणूच्या नव्या प्रकाराचा प्रादुर्भाव मोठ्या प्रमाणात वाढल्यामु....

Read more