By DAYANAND MOHITE | प्रकाशित: जुलै 16, 2019 01:22 PM 2019-02-12T14:15:30+5:30
शहर : मुंबई
शिवसेनेचे स्वप्न असलेल्या कोस्टल रोडला मुंबई उच्च न्यायालयाने रेड सिग्नल दाखवला आहे. मुंबई उच्च न्यायालयाने मुंबईतील कोस्टल प्रकल्पासाठी मंजुरी रद्द केली आहे. काही संस्था आणि स्थानिक रहिवाशांनी दाखल केलेल्या याचिकेवर सुनावणीनंतर या प्रकल्पाची मंजुरी रद्द केली आहे. त्यामुळे आता नव्याने कोस्टल रोडचे काम करता येणार नाही.
कोस्टल रोड प्रकल्पाला आव्हान देणारी याचिका मुंबई उच्च न्यायालयात दाखल करण्यात आली होती. त्यावर आज न्यायालयाने निर्णय दिला. या प्रकल्पाची एकूण किंमत सुमारे १४ हजार कोटी रूपये आहे. या प्रकल्पाअंतर्गत मरीन ड्राईव्ह आणि बोरीवली जोडण्यात येणार होते. या कोस्टल रोडची लांबी २९.०२ किलोमीटर आहे. कोस्टल रोडविरोधात याचिका दाखल झाल्या होत्या. १ जुलै रोजी सगळ्यांच्या बाजू ऐकल्यानंतर न्यायालयाने आपला निर्णय राखून ठेवला होता. त्यानंतर आज न्यायालयाने कोस्टल रोडच्या नव्याने होणाऱ्या कामाला मनाई केली आहे.
कोस्टल रोड प्रकल्प पुढे न्यायचा असेल तर मुंबई महापालिकेला नव्याने परवानगी घ्यावी लागणार आहे. तसेच पर्यावरण संवर्धनाच्या दृष्टीने परवानग्यांची पूर्तता नसल्याचे सांगत सीआरझेड हटवण्याबाबत दिलेली परवानगी उच्च न्यायालयाकडून रद्द करण्यात आली आहे. त्यामुळे कोस्टल रोडचे भवितव्य कठीण असल्याचे दिसून येत आहे.
आज गुरुपौर्णिमा असून खंडग्रास चंद्रग्रहण आहे. रात्री उशिरा ३ तास हे खंडग्र....
अधिक वाचा