ठळक बातम्या कोलेस्टेरॉलची टेस्ट कधी करावी, कंट्रोलमध्ये कसं ठेवताल? जाणून घ्या.    |     ब्लड शुगर नियंत्रणात आणतात ही हिरवी पाने, जाणून घ्या कसे करावे सेवन.    |     पपईसोबत कधीच खाऊ नयेत ही फळे, अन्यथा गाठावे लागू शकते हॉस्पिटल.    |     नव्या वर्षात अंगी बाणवा ‘या’ सवयी, आजार पळतील दूर….    |     जास्त मीठ खाताय तर हे आजार झालेच समजा, वेळीच सावध व्हा अन्यथा जावू शकतो जीव.    |    

मुंबई, ठाण्यात जोरदार पाऊस, समुद्रात उंच लाटा

By DAYANAND MOHITE | प्रकाशित: जुलै 03, 2020 11:36 AM 2019-02-12T14:15:30+5:30

मुंबई, ठाण्यात जोरदार पाऊस, समुद्रात उंच लाटा

शहर : मुंबई

हवामान विभागाने दिलेल्या माहितीनुसार आज (3 जुलै) मुंबईत मुसळधार पावसाला सुरुवात झाली आहे. हवामान खात्याकडून मुंबई, ठाणे आणि पालघर जिल्ह्यात दोन दिवस मुसळधार पावसाचा इशारा देण्यात आला आहे. दरम्यान, मुंबईच्या किनारपट्टी भागात समुद्रात उंच लाटा उसळताना दिसत आहेत. या लाटांची उंची 4.41 मीटर इतकी आहे.

मुंबईसह उपनगरातही मुसळधार पाऊस पडत आहे. त्यामुळे आतापासूनच ठिकठिकाणी पाणी साचायला सुरुवात झाली आहे. उपनगरातील कांदिवली, मलाड, बोरीवली भागात मुसळधार पाऊस कोसळत आहे.

घरातच थांबा, मुंबई पोलिसांचे आवाहन

मुंबईत दोन दिवस (3 आणि 4 जुलै) मुसळधार पाऊस पडणार असल्याचा अंदाज हवामान खात्याने वर्तवला आहे. त्यामुळे मुंबई पोलिसांनी मुंबईकरांना दोन दिवस घरातच राहण्याचा सल्ला दिला आहे. मुंबईसह ठाणे, पालघरला मुसळधार पावसाचा इशारा देण्यात आला आहे. त्यामुळे कुणीही विनाकारण घराबाहेर पडून नका, घरातच राहा, असं आवाहन मुंबई पोलिसांनी केलं आहे.

महाराष्ट्रात जून महिन्यात पाऊस दाखल झाला. मात्र, गेल्या आठवड्याभरापासून मुंबई आणि ठाण्यात पाऊस पडलेला नाही. दरम्यान, हवामान विभागाने मुंबई आणि ठाण्यात पुन्हा पाऊस सक्रिय होण्याची शक्यता वर्तवली आहे. मुंबई, ठाणे आणि पालघरमध्ये दोन दिवस मुसळधार पाऊस कोसळणार आहे.

मुंबईत मुसळधार पावसाच्या पार्श्वभूमीवर ऑरेंज अलर्ट देण्यात आला आहे. दरम्यान, हवामान विभागाने दिलेल्या माहितीनुसार या महिन्यात मुंबईसह संपूर्ण कोकणात भरपूर पाऊस पडण्याची शक्यता आहे. पुढच्या 24 तास मुंबई, ठाणे आणि पालघर या जिल्ह्यांच्या काही भागात मुसळधार पाऊस कोसळणार आहे. याशिवाय रायगड, रत्नागिरी आणि सिंधुदुर्गातील काही भागातही मुसळधार पावसाची शक्यता वर्तवण्यात आली आहे.

 

मागे

पुण्यात महिनाभरात तब्बल 32 हजार परप्रांतिय मजूर, नागरिक दाखल
पुण्यात महिनाभरात तब्बल 32 हजार परप्रांतिय मजूर, नागरिक दाखल

लॉकडाऊनचे निर्बंध शिथील झाल्यानंतर पुण्यात येणाऱ्या परप्रांतिय नागरिक, म....

अधिक वाचा

पुढे  

मुंबईत रात्रभर मुसळधार; सलग दुसऱ्या दिवशी पावसाचा जोर कायम
मुंबईत रात्रभर मुसळधार; सलग दुसऱ्या दिवशी पावसाचा जोर कायम

शुक्रवारपासून सुरु झालेल्या पावसाळी वातावरणाचं चित्र राज्यात अद्यापही पा....

Read more