ठळक बातम्या कोलेस्टेरॉलची टेस्ट कधी करावी, कंट्रोलमध्ये कसं ठेवताल? जाणून घ्या.    |     ब्लड शुगर नियंत्रणात आणतात ही हिरवी पाने, जाणून घ्या कसे करावे सेवन.    |     पपईसोबत कधीच खाऊ नयेत ही फळे, अन्यथा गाठावे लागू शकते हॉस्पिटल.    |     नव्या वर्षात अंगी बाणवा ‘या’ सवयी, आजार पळतील दूर….    |     जास्त मीठ खाताय तर हे आजार झालेच समजा, वेळीच सावध व्हा अन्यथा जावू शकतो जीव.    |    

पाटणच्या तरुणाचा चिपळुणमध्ये मृत्यू 

By VISHRANTI SHINDE | प्रकाशित: डिसेंबर 27, 2019 12:31 PM 2019-02-12T14:15:30+5:30

पाटणच्या तरुणाचा चिपळुणमध्ये मृत्यू 

शहर : रत्नागिरी

           माकडांना बिस्कीट देताना तोल गेल्याने सुमारे दोनशे फूट दरीत कोसळून पाटण येथील तरूणाचा दुर्दैवी अंत झाला. गुरूवारी सायंकाळी 5.30 च्या सुमारास चिपळूण तालुक्यातील कुंभार्ली घाटात ही दुर्घटना घडली घडली. तब्बल दीड तासांच्या शोधकार्यानंतर सुरेश विभूते (32, रा. पाटण) याचा मृतदेह सापडला.


         मिळालेल्या माहितीनुसार खेर्डी येथे लिफ्टचे काम करण्यासाठी पाटण येथून सुरेश विभुतेसह काही कामगार आले होते. सायंकाळी साडेपाचच्या सुमारास कुंभार्ली घाटातील एका वळणावर विभुते आपल्या सहकाऱयांसह थांबला होता. त्याठिकाणी असलेल्या माकडांना बिस्किटे खाऊ घालण्यासाठी तो संरक्षक कठडय़ावर बसला होता. याचवेळी माकडांना बिस्केटे देत असताना त्याचा तोल गेला आणि ते सुमारे 200 फूट खोल दरीत कोसळला.

          आपला सहकारी दरीत कोसळल्याचे लक्षात येताच साऱयांच्या पायाखालची वाळू सरकली. त्यांनी आरडाओरड सुरू केली. घाटमाथ्यावरून येणाऱया-जाणा-या वाहनांना थांबवून त्यांनी या घटनेची माहिती दिली. त्यानंतर ही बातमी पोफळी नाक्यापर्यंत पोहचताच युवकांसह व्यापारी व ग्रामस्थ घटनास्थळी दाखल झाले. दुर्घटनेचे ठिकाण घाटमाथ्यापासून दीड ते दोन किलोमीटरवर, तर पोफळीपासून सुमारे साडेपाच किलोमीटरवर असल्याने त्याठिकाणी तातडीची मदत पोहचली नाही. 


          या घटनेची माहिती मिळताच अलोरे-शिरगांव पोलीस स्थानकाचे पोलीसही घटनास्थळी दाखल झाले. कातकरी वस्तीतील बबल्या निकम, संदीप निकम यांच्यासह संतोष सरफरे, बाबू शिर्के, समीर हिरे, बाबू कदम, सुहास शिंदे, गणेश शिंदे या पोफळीतील युवक तसेच पोलिसांनी शोधमोहीम सुरू केली. जवळपास दीड तासांच्या शोधकार्यानंतर सुरेश विभुतेचा मृतदेह सापडला.
 

मागे

रत्नागिरीत काँग्रेस भुवनाला टाळे
रत्नागिरीत काँग्रेस भुवनाला टाळे

          जिल्हा काँग्रेसमधील अंतर्गंत वाद पुन्हा चव्हाटय़ावर आले आहेत. ....

अधिक वाचा

पुढे  

कोल्हापूरसह मुंबईतही मटणाचे दर वाढले  
कोल्हापूरसह मुंबईतही मटणाचे दर वाढले  

        मुंबई - कोल्हापरापाठोपाठ आता मुंबईतही मटणाचे दर कडाडले असून इथे ....

Read more