ठळक बातम्या शनिच्या अवकृपेपासून वाचण्यासाठी पिंपळवृक्षाखाली दिवा लावा!.    |     सूर्य देव कुंभात प्रवेश करेल, या राशींसाठी धन लाभाचे योग.    |     Magh Maas : पुण्य कमविण्यासाठी माघ महिन्याचे महत्त्व जाणून घ्या.    |     १०वी उत्तीर्णांसाठी संधी : लष्करात मेगा भरती.    |     पालकांनो इकडे लक्ष द्या, मुलांसाठी सॅनिटायझरचा वापर करताय !.    |    

तुमचं रेशन कार्ड आता एटीएम कार्डसारखं होणार!

By DAYANAND MOHITE | प्रकाशित: डिसेंबर 18, 2020 09:14 AM 2019-02-12T14:15:30+5:30

तुमचं रेशन कार्ड आता एटीएम कार्डसारखं होणार!

शहर : देश

पिवळं, केशरी आणि पांढऱ्या रंगाचं तुमचं रेशन कार्ड आता एटीएम कार्डसारखं होणार आहे. वन नेशन वन रेशन कार्ड योजना आता नव्या वर्षात नव्या रुपात दिसणार आहे. केंद्र सरकारने रेशन कार्डमध्ये बदल करण्यास सुरुवात केली आहे. केंद्र सरकारकडून जवळपास 84 कोटी नागरिकांना आता एटीएम कार्ड सारखं स्मार्ट रेशन कार्ड दिलं जाणार आहे. त्याची सुरुवात बिहारमधून करण्यात आली आहे.(ration card will change under the One Nation One Ration Card scheme)

वन नेशन वन रेशन कार्ड योजनेचा फायदा देशातील प्रत्येक नागरिकाला मिळणार असल्याचा दावा केंद्र सरकारकडून करण्यात आला आहे. त्याचबरोबर तुमचं रेशन कार्ड आता देशातील कुठल्याही राज्यात चालणार आहे. त्यामुळे नोकरीसाठी अन्य राज्यांत गेलेल्या नागरिकांना, विस्थापित झालेल्या मजुरांना या योजनेचा लाभ मिळणार आहे. आतापर्यंत देशातील 28 राज्य आणि केंद्रशासित प्रदेशांमध्ये या योजनेचा लाभ मिळण्यास सुरुवात झाली आहे.

कोरोना संक्रमणाच्या काळात पंतप्रधान नरेंद्र मोदी यांनी सहाव्यांदा देशाला संबोधित करताना देशातील 80 कोटींपेक्षा अधिक गरीब लोकांना मोठा दिलासा दिला होता. पंतप्रधानांनी गरीब कल्याण योजना नोव्हेंबरपर्यंत वाढवण्याची घोषणा केली होती. त्यावेळी पंतप्रधानांनी संपूर्ण देशात वन नेशन वन रेशन कार्ड योजना लागू करण्याचा मुद्दाही उपस्थित केला होता.

वन नेशन वन रेशन कार्डचे फायदे

वन नेशन वन रेशन कार्ड योजनेअंतर्गत सध्या जुन्या कार्डवरच धान्य मिळत आहे. तुम्ही ज्या राज्यात आहात, तिथे तुमच्या जवळील रेशन दुकानदाराकडे जाऊन तुम्ही रेशन कार्ड बनवू शकता. तिथे ऑनलाईन अर्ज करण्याची सुविधा उपलब्ध करुन देण्यात आली आहे. इतकच नाही तर तुम्ही स्वत:ही ऑनलाईन अर्ज करु शकता.

योजनेचा लाभ कसा मिळवाल?

तुमच्याकडे रेशन कार्ड नसेल तर तुम्ही आधार कार्ड लिंक करुनही रेशनचा लाभ मिळवू शकता. त्यासाठी तुमच्याकडे बीपीएल कार्ड असणं गरजेचं आहे. त्यासह काही कागदपत्रांची पूर्तता करावी लागेल. रेशन कार्ड बनवण्यासाठी प्रत्येक राज्याचे वेगवेगळे पोर्टल आहेत. त्यावर बीपीएल कार्डधारक रेशन कार्डसाठी अर्ज करु शकतात. ऑनलाईन अर्ज केल्यानंतर मिळालेली पोचपावती तुम्हाला तहसील कार्यालयात अन्न पुरवठा अधिकाऱ्याकडे द्यावी लागणार आहे.

मागे

अंबाबाईच्या (Ambabai) छतावर १०० ट्रक मातीचे ओझे झाले,त्यामुळे मंदिराला….
अंबाबाईच्या (Ambabai) छतावर १०० ट्रक मातीचे ओझे झाले,त्यामुळे मंदिराला….

अंबाबाईच्या (Ambabai) छतावर १०० ट्रक मातीचे ओझे झाले आहे. त्यामुळे मंदिराला (Ambabai templ....

अधिक वाचा

पुढे  

Maratha Reservation | मराठा समाजाशी संबंधित दोन मोठ्या बातम्या
Maratha Reservation | मराठा समाजाशी संबंधित दोन मोठ्या बातम्या

मराठा समाजाशी (Maratha Reservation) संबंधित दोन मोठ्या बातम्या आहेत. राज्यात ग्रामपंचाय....

Read more