ठाकुरांना उच्च न्यायालयाचा दणका ! गोरेगावच्या जनतेचा विजय!
By Anuj Kesarkar | प्रकाशित: ऑक्टोबर 19, 2019 05:26 PM 2019-02-12T14:15:30+5:30
शहर : मुंबई
विद्या ठाकूरांच्या ‘व्हिनस’च्या तावडीतून मैदान मुक्त...... ‘क्रिकेट कोचिंग’च्या नावाखाली बळकावलेलं गोरेगावातलं सार्वजनिक मैदान ताबडतोब खुलं करण्याचा आदेश मुंबई उच्च न्यायालयाने भाजपच्या उमेदवार विद्या ठाकुर यांच्या ‘व्हिनस स्पोर्टस्‌ अकादमी’ला दिलाय. न्यायालयाच्या या दणक्यामुळे प्रेम नगरच्या जवळचं, रस्तुमजी टॉवर्सच्या शेजारचं हे मैदान आता ‘व्हिनस क्रिकेट ग्राउंड’ न राहाता तुम्हा आम्हा सगळ्या गोरेगावकरांसाठी खुलं होईल. ‘व्हिनस’च्या या कारनाम्याविरोधात सचिन चव्हाण यांनी गोरेगावकरांच्या वतीने उच्च न्यायालयात जनहित याचिका दाखल केली होती.
बृहन्मुंबई महानगरपालिकेने ‘व्हिनस कल्चरल असोसिएशन’ला हे खुलं मैदान दत्तक दिलं होतं. त्यांच्यातल्या करारानुसार ते मनोरंजनासाठी वापरायचं होतं. मात्र ‘व्हिनस’ने ‘व्हिनस स्पोर्टस्‌ क्रिकेट अकादमी’तर्फे ते बळकावत मैदानातली क्रिकेटची खेळपट्टी वापरायला सुरुवात केली. आठवड्यातून दोन दिवस सकाळी आणि संध्याकाळी तिथे भरमसाठ फी घेऊन क्रिकेट कोचिंग द्यायला सुरुवात केली आणि त्या वेळात इतरांना मैदानावर प्रवेश बंद केला. आसपासचे रहिवासी, लहान मुलं यांना तिथे खेळणं अवघड झालं.
या विरोधातल्या जनहित याचिकेवर निकाल देताना न्यायालयाने या मैदानावर विशिष्ट वेळ विशिष्ट अक्टिव्हिटीसाठी राखून ठेवता येणार नाही, कोणत्याही स्पोर्टस्‌ अकादमीला असं करता येणार नाही, असं ठणकावून सांगत हे मैदान ‘सार्वजनिक उद्यान’ म्हणूनच वापरलं गेलं पाहिजे, असा आदेश दिला आहे.
विद्या ठाकूरांना हा गोरेगावच्या जनतेनं दिलेला पहिला दणका होता .... पुढचा दणका 21 तारखेला निवडणुकीतून द्यायचाय !!!!!!
मागे
मुंबईतील 96 टक्के रस्त्यांची चाळण
मुंबईतील तब्बल 96 टक्के रस्ते खराब स्थितीत असल्याचे रस्ते पाहणी समितीच्या प....
अधिक वाचापुढे
मतदार यादीत तुमचं नाव आहे, हे तुम्ही कसं चेक कराल?
मतदार यादीत नाव शोधणे तुम्हाला वाटू शकतं गेल्या निवडणुकीच्या वेळी मतदार य....
Read more
