आंदोलनात लहान मुलांच्या सहभागावर बंदी घाला; झेन सदावर्तेची सुप्रीम कोर्टात याचिका

By VISHRANTI SHINDE | प्रकाशित: फेब्रुवारी 05, 2020 03:43 PM 2019-02-12T14:15:30+5:30

शहर : delhi

नवी दिल्ली - आंदोलनामध्ये लहान मुलांना आणण्यावर बंदी घालावी, अशी मागणी करणारी याचिका सुप्रीम कोर्टात दाखल करण्यात आली आहे. विशेष म्हणजे ही याचिका करणारी बारा वर्षीय बालिका राष्ट्रीय शौर्य पुरस्कार विजेती झेन सदावर्ते आहे. दक्षिण दिल्लीतील शाहीन बागमध्ये झालेल्या आंदोलनादरम्यान चार महिन्यांच्या मोहम्मद जहांचा मृत्यू झाला होता. सुधारित नागरिकत्व कायदा (सीएए) आणि राष्ट्रीय नागरिकत्व नोंदणी (एनआरसी) याविरोधातील आंदोलनात पालकांसोबत सहभागी झालेल्या मोहम्मदला प्राण गमवावे लागले होते.

मोहम्मदच्या मृत्यूच्या पार्श्वभूमीवर, लहान मुलांना आंदोलनात सहभागी करण्यावर बंदी घालावी, अशी मागणी करणारी याचिका झेनने सर्वोच्च न्यायालयात केली आहे. मोहम्मदच्या मृत्यूचं नेमकं कारण डेथ सर्टिफिकेटमध्ये नमूद नाही, त्यामुळे पोलिस आणि संबंधित प्रशासनांना या प्रकरणी तपास करण्याचे आदेश देण्याची विनंतीही झेनने केली आहे. मुंबईकर झेन सदावर्ते हिला प्रजासत्ताक दिनी राष्ट्रीय शौर्य पुरस्कार जाहीर झाला आहे. तिने मुंबईतील रहिवाशी इमारतीला लागलेल्या आगीत अडकलेल्या १७ जणांना बाहेर काढलं होतं.

झेन सदावर्ते ही मुंबई उच्च न्यायलयातील अॅड. गुणरत्न सदावर्ते यांची मुलगी आहे. २२ ऑगस्ट २०१८ रोजी मुंबईच्या हिंदमाता परिसरातील क्रिस्टल टॉवर या इमारतीत आग लागली होती. त्यात चौघांचा मृत्यू झाला होता. तर १८ जण जखमी झाले. झेनच्या प्रसंगावधानामुळे तब्बल १७ जणांचा जीव वाचला होता. गुणरत्न सदावर्ते हे क्रिस्टल टॉवरच्या १६ व्या मजल्यावर राहत होते. अचानक लागलेल्या आगीच्या प्रसंगी लहानग्या झेनने आपल्या आईवडिलांना शांत केले.

त्यानंतर प्रसंगावधान राखत घरातील सुती कपडे ओले केले आणि ते नाकाशी धरुन शांतपणे श्वास घेण्यास सांगितले. झेन डॉन बॉस्को इंटरनॅशनल शाळेत शिकते. शाळेत आपत्कालीन व्यवस्थापनाचे धडे दिले जातात, याचाच तिने योग्य पद्धतीने वापर केला होता. आईवडिलांसह जवळपास १५ जणांना तिने बाल्कनीत बसवले. त्यानंतर अग्निशमन दलाच्या मदतीने हे सर्व बाहेर आले.

आंदोलनात लहान मुलांच्या सहभागावर बंदी घाला; झेन सदावर्तेची सुप्रीम कोर्टात याचिका

मागे

मराठा आरक्षण प्रकरणी महाराष्ट्र सरकारला मोठा दिलासा

पुढे

निर्भया बलात्कार प्रकरणातील चार दोषींना ७ दिवसांची मुदत; फाशी एकत्रच

दिवसभरातील घडामोडी

बाळासाहेबांचे स्वप्न मनोहर जोशींच्या रूपाने पूर्ण…राज ठाकरे यांनी सांगितली ती आठवण

मनोहर जोशी महाराष्ट्रातील पहिले गैरकाँग्रेसी मुख्यमंत्री,मातोश्री वृद्धाश्रम,सैनिक स्कूलची केली सुरु

Manohar Joshi : ‘नांदवी ते वर्षा’ … कसा होता महाराष्ट्राच्या सरांचा राजकीय प्रवास

‘त्‍याने आता मर्यादा ओलांडली; आपली औकात ओळखावी’,राणेंचा जरागेंवर घणाघात

लोकसभा निवडणुका कधी? निवडणूक आयोगाच्या कामावर सर्वोच्च न्यायालय झाले खुश

या पक्षाची हिम्मत तर पाहा! हायकोर्टाच्या जमिनीवर उघडले पक्षाचे कार्यालय

मनोज जरांगे यांच्यासाठी समाज रस्त्यावर, राज्यभरात अनेक ठिकाणी बंद;‘या’ जिल्ह्यांमध्ये शुकशुकाट

शिंदे गटाकडून ‘या’ ताकदवान नेत्याला राज्यसभेची संधी,मग लोकसभेच्या ‘त्या’ जागेवर काय खेळी होणार?

‘सगेसोयरे’साठी हरकतींचा पाऊस, राज्यभरातून इतक्या मोठ्या संख्येने हरकती

‘अशोक चव्हाणांच्या शहीद भूखंड घोटाळ्यावर मोदीच बोललेले, आता…’ठाकरे गटाचा थेट सवाल