शिवसेनेचे खासदार ओमराजे निंबाळकर यांच्यावर चाकू हल्ला
By DAYANAND MOHITE | प्रकाशित: ऑक्टोबर 16, 2019 01:04 PM 2019-02-12T14:15:30+5:30
शहर : मुंबई
शिवसेनेचे खासदार ओमराजे निंबाळकर यांच्यावर चाकू हल्ला झाला आहे. उस्मानाबादच्या नायगाव पाडोळीत हा हल्ला झाला. हल्लेखोर वार करून फरार झालाय आहे. उस्मानाबाद - कळंब मतदारसंघातील शिवसेनेचे उमेदवार कैलास पाटील यांच्या प्रचारासाठी खासदार ओमराजे निंबाळकर आले होते. त्यावेळी गाडीतून उतरता क्षणी हल्लेखोरानं वार केला.
ओमराजेंना गंभीर दुखापत झालेली नाही, मात्र त्यांच्या घड्याळावर आणि हातावर जखम झाली आहे. हल्लेखोर बंडखोर आहे की विरोधकांमधील आहे हे समजू शकलेलं नाही. पाडोळी गावातल्या अजिंक्य टेकाळे तरुणानं हा हल्ला केल्याचं समजतं आहे. पण त्याने हा हल्ला का केला, याबाबत अजून माहिती मिळालेली नाही. हा हल्लेखोर वार करून फरार झाला आहे.
मी सुखरुप आहे, तसंच कार्यकर्त्यांनी शांतता बाळगावी, असं आवाहन ओमराजे निंबाळकर यांनी केलं आहे. दरम्यान या घटनेनंतर पोलीस घटनास्थळी दाखल झाले असून गुन्हा नोंदवण्याची प्रक्रिया सुरु झाली आहे. हल्ला झाल्यानंतर गावात तणावाचं वातावरण आहे. हल्ला झाला त्या ग्रामपंचायतीत शिवसेनेची सत्ता आहे.
मागे
ED मुळे लाव रे तो व्हिडिओ बंद झाला? राज ठाकरेंनी दिलं उत्तर
मनसे अध्यक्ष राज ठाकरे हे सध्या आपल्या पक्षासाठी महाराष्ट्रभर प्रचारसभा घ....
अधिक वाचापुढे
अजून मतदानच नाही, मात्र मुख्यमंत्र्यांनी जाहीर केलीत या मंत्र्यांची नावं!
विधानसभा निवडणुकीचा प्रचार आता शेवटच्या टप्प्यात आलाय. प्रचाराची रणधुमाळ....
Read more
