ठळक बातम्या घरामध्ये नेहमी राहील धन-धान्य, फक्त लक्षात ठेवा या गोष्टी.    |     तुम्ही तुमचे काम ओझे समजून केले तर….    |     लक्ष्मी पूजन करण्याची योग्य पद्धत व नियम.    |     जीवनातील मोठ-मोठया समस्यांचे समाधान.    |     राजकुमारीने संन्यासी पतीला समजावून सांगितले वैराग्याचे महत्व.    |    

रुपा गुरुनाथ क्रिकेट संघटनेच्या पहिल्या महिला अध्यक्ष

By DAYANAND MOHITE | प्रकाशित: सप्टेंबर 28, 2019 11:35 AM 2019-02-12T14:15:30+5:30

रुपा गुरुनाथ क्रिकेट संघटनेच्या पहिल्या महिला अध्यक्ष

शहर : मुंबई

बीसीसीआयचे माजी अध्यक्ष एन. श्रीनिवासन यांची मुलगी रुपा गुरुनाथ यांची तामीळनाडू क्रिकेट असोसिएशन (टीएनसीए)च्या अध्यक्षपदी निवड झाली आहे. रुपा गुरुनाथ यांना टीएनसीएच्या ८७व्या वार्षिक सर्वसाधारण सभेत बिनविरोध अध्यक्ष म्हणून निवडण्यात आलं. बीसीसीआयच्या कोणत्याही राज्य संघटनेमध्ये महिला अध्यक्ष बनणाऱ्या रुपा गुरुनाथ या पहिल्या महिला आहेत. पण सर्वोच्च न्यायालयाच्या आदेशामुळे त्यांची अध्यक्ष बनण्याची औपचारिक घोषणा करण्यात आलेली नाही.

तामीळनाडू क्रिकेट असोसिएशनच्या निवडणुकीचं प्रकरण सर्वोच्च न्यायालयात आहे. निवडणूक घेत असताना सर्वोच्च न्यायालयाने एक अट घातली होती. त्यामुळे निवडणूक झाली तरी निकाल न्यायालयाच्या आदेशानंतरच घोषित करण्यात यावेत, असं सर्वोच्च न्यायालयाने सांगतिलं होतं. रुपा गुरुनाथ यांनी बुधवारी नामांकन द्यायच्या शेवटच्या दिवशी अर्ज भरला होता.

एकीकडे रुपा गुरुनाथ यांची अध्यक्षपदी निवड झाली असतानाच बीसीसीआयच्या प्रशासकीय समितीने टीएनसीएच्या नव्या संविधानाला लोढा समितीच्या शिफारसींनुसार चुकीचं सांगितलं आहे. टीएनसीएने ऑक्टोबरपर्यंत संविधानावर पुन्हा काम करावं, ज्यामुळे त्यांना २३ ऑक्टोबरच्या बीसीसीआयच्या वार्षिक सर्वसाधारण सभेत सहभागी होता येईल, असं प्रशासकीय समितीकडून सांगण्यात येत आहे. पण याबाबतचा निर्णय सर्वोच्च न्यायालयच घेईल, असं टीएनसीएचे वकील म्हणत आहेत.

२० सप्टेंबरला सर्वोच्च न्यायालयाने टीएनसीएला नवीन अधिकारी नियुक्त करण्यासाठी निवडणूक घ्यायला परवानगी दिली होती. निवडणुकीचा परिणाम अंतिम आदेशासारखाच असेल, असं न्यायमूर्ती एस बोबडे आणि एल नागेश्वर यांच्या खंडपीठाने सांगितलं होतं.

मागे

मुकुंद कर्णिक यांचे निधन
मुकुंद कर्णिक यांचे निधन

ज्येष्ठ क्रीडा पत्रकार मुकुंद कर्णिक यांचे बुधवार सायंकाळी हृदयविकाराच्य....

अधिक वाचा

पुढे  

IPL 2020:  19 डिसेंबर ला लिलाव
IPL 2020:  19 डिसेंबर ला लिलाव

2020 वर्षात होणाऱ्या आयपीएलच्या तेराव्या हंगामाचं घोषणा झाली आहे. 19 डिसेंबर र....

Read more