ठळक बातम्या घरामध्ये नेहमी राहील धन-धान्य, फक्त लक्षात ठेवा या गोष्टी.    |     तुम्ही तुमचे काम ओझे समजून केले तर….    |     लक्ष्मी पूजन करण्याची योग्य पद्धत व नियम.    |     जीवनातील मोठ-मोठया समस्यांचे समाधान.    |     राजकुमारीने संन्यासी पतीला समजावून सांगितले वैराग्याचे महत्व.    |    

India vs South africa : मयंक अग्रवालचं द्विशतक

By DAYANAND MOHITE | प्रकाशित: ऑक्टोबर 03, 2019 03:56 PM 2019-02-12T14:15:30+5:30

India vs South africa : मयंक अग्रवालचं द्विशतक

शहर : मुंबई

दक्षिण आफ्रिकेविरुद्धच्या पहिल्या टेस्ट मॅचमध्ये भारताचा ओपनर मयंक अग्रवालने शानदार द्विशतक झळकावलं आहे. याचबरोबर त्याने अनेक रेकॉर्डही केली आहेत. दक्षिण आफ्रिकेविरुद्ध द्विशतक करणारा अग्रवाल हा सेहवागनंतरचा दुसरा भारतीय खेळाडू आहे. मयंक अग्रवालची भारतातली ही पहिलीच टेस्ट मॅच आहे. मायभूमीतल्या आपल्या पहिल्याच टेस्टमध्ये फक्त शतकच नाही, तर द्विशतक करण्याचा विक्रमही मयंक अग्रवालने केला आहे.

मयंक अग्रवाल ३७१ बॉलमध्ये २१५ रन करून आऊट झाला. तर दुसरीकडे टेस्टमध्ये पहिल्यांदाच ओपनिंगला बॅटिंग करणाऱ्या रोहित शर्माने १७६ रनची खेळी केली. मयंकने दुसऱ्या दिवसाच्या चहाच्या विश्रांतीआधी आपलं द्विशतक पूर्ण केलं. केशव महाराजने टाकलेला बॉल मयंकने लाँग ऑफला मारत मयंकने द्विशतक केलं.याआधी दक्षिण आफ्रिकेविरुद्ध २००८ साली चेन्नईमध्ये सेहवागने ३१९ रनची खेळी केली होती. हा सेहवागच्या कारकिर्दीतला सर्वाधिक स्कोअर होता.

मयंक अग्रवालची कारकिर्दीतली ही पाचवी टेस्ट मॅच आहे. मागच्यावर्षी डिसेंबरमध्ये मयंकने ऑस्ट्रेलियाविरुद्ध मेलबर्नमध्ये पहिली टेस्ट मॅच खेळली होती. आपल्या पहिल्याच इनिंगमध्ये मयंकने ७६ रनची खेळी केली होती. यानंतर दुसऱ्या इनिंगमध्ये मयंकला ४४ रन आणि मग सिडनी टेस्टमध्ये ७७ रन करता आले होते.

 

मागे

अमेरिकेच्या महिला धावपटूने मोडला उसेन बोल्टचा विक्रम
अमेरिकेच्या महिला धावपटूने मोडला उसेन बोल्टचा विक्रम

अमेरिकेची धावपटू, ३२ वर्षीय ऍलिसन फेलिक्स हिने IAAF World Championship या स्पर्धेतील मिश्....

अधिक वाचा

पुढे  

दक्षिण आफ्रिकेविरुद्धच्या पहिल्या टेस्टमध्ये रोहितचं  शानदार शतक
दक्षिण आफ्रिकेविरुद्धच्या पहिल्या टेस्टमध्ये रोहितचं शानदार शतक

दक्षिण आफ्रिकेविरुद्धच्या पहिल्या टेस्टमध्ये रोहित शर्माने शानदार शतक के....

Read more