ठळक बातम्या Corona Vaccine | मुंबईकरांनी अनुभवली कोरोनावरील पहिली लस.    |     पंख नाहीत मला पण…...    |     कोरड्या खोकल्यामुळे होणारा धोका कसा टाळता येईल?.    |     प्लेट्लेट्स वाढवण्यासाठी हे उपाय करून बघा.    |     सर्दी- पडसं, आणि फ्लू पासून आराम देणारा आणि रोग प्रतिकारक शक्ती वाढविणारा ओव्याचा काढा.    |    

सचिन तेंडुलकर पेटीएम फर्स्ट गेम्सचा ब्रॅण्ड अॅम्बेसेडर, छोट्या व्यापाऱ्यांचा विरोध

By DAYANAND MOHITE | प्रकाशित: सप्टेंबर 16, 2020 01:36 PM 2019-02-12T14:15:30+5:30

सचिन तेंडुलकर पेटीएम फर्स्ट गेम्सचा ब्रॅण्ड अॅम्बेसेडर, छोट्या व्यापाऱ्यांचा विरोध

शहर : मुंबई

पेटीएमची सहयोगी कंपनी पेटीएम फर्स्ट गेम्सने (पीएफजी) मास्टरब्लास्टर सचिन तेंडुलकरला ब्रॅण्ड अॅम्बेसेडर बनवलं आहे. पेटीएमने मंगळवार (15 सप्टेंबर) जारी केलेल्या वक्तव्यात म्हटलं की, "सचिन तेंडुलकर हे अब्जावधी क्रिकेटप्रेमींमधील एक लोकप्रिय नाव आहे. देशामध्ये रोमांचक फॅण्टसी खेळांबाबत जागरुकता निर्माण करण्यासाठी ते महत्त्वाची भूमिका निभावू शकतात. केवळ फॅण्टसी क्रिकेटच नाही तर कबड्डी, फुटबॉल आणि बास्केटबॉल यांसारख्या खेळांमध्येही पीएफजीला लोकप्रिय बनवण्यासाठी मदत करु शकतात."परंतु या निर्णयाला देशातील छोट्या व्यावसायिकांनी विरोध करत, सचिन तेंडुलकरने आपल्या निर्णयावर फेरविचार करण्याची विनंतीही केली आहे. देशातील छोट्या व्यापाऱ्यांची संस्था कन्फेडरेशन ऑफ ऑल इंडिया ट्रेडर्सने (CAIT) यासंदर्भात सचिन तेंडुलकरला पत्र लिहून आपला विरोध दर्शवला आहे. सीएआयटीचे राष्ट्रीय सरचिटणीस प्रवीण खंडेलवाल यांनी सचिनला लिहिलेल्या पत्रात म्हटलं आहे की, "तुमच्या या निर्णयामुळे देशात आक्रोश आहे, कारण ज्या कंपनीने तुम्हाला ब्रॅण्ड अॅम्बेसेडर बनवलं आहे, त्यामध्ये चीनची कंपनी अलिबाबाची गुंतवणूक आहे. पेटीएम फर्स्ट गेम्स पेटीएम आणि अलिबाबाची कंपनी एजी टेक यांचं जॉईंट व्हेंचर आहे."

             

निर्णयावर फेरविचार करण्याची विनंती

प्रवीण खंडेलवाल यांनी पुढे लिहिलं आहे की, "सीमेवरील झटापटीत आपले 20 जवान शहीद झाले आणि सीमेवर चीन वारंवार आक्रमकता दाखवत आहे. अशा परिस्थितीत तुम्ही चीनची गुंतवणूक असलेल्या कंपनीचा ब्रॅण्ड अॅम्बेसेडर बनण्याचा निर्णय घेतला, जो देशातील लोकभावनेच्या विरोधात आहे. तुमच्यासारखा लोकप्रिय खेळाडू लोकभावना समजण्यास कसा काय अपयश ठरला हे समजत नाही. त्यामुळे तुम्हाला विनंती आहे की, कृपया तुम्ही आपल्या या निर्णयावर फेरविचार करा आणि प्रस्ताव स्वीकारु नका. याद्वारे चीनला कठोर संदेश जाईल की, या कठीण प्रसंगात तुम्ही देशासोबत उभे आहात."

मागे

IPL 2020: Vi कंपनी बनली को-स्पॉन्सर, मिळाले लाईव्ह ब्रॉडकास्ट स्पॉन्सरशिप राइट्स
IPL 2020: Vi कंपनी बनली को-स्पॉन्सर, मिळाले लाईव्ह ब्रॉडकास्ट स्पॉन्सरशिप राइट्स

 टेलीकॉम ऑपरेटर कंपनी वोडाफोन-आइडिया (Vi) Dream11 IPL 2020 ची को-स्पॉन्सर बनली आहे. IPL 2020 ....

अधिक वाचा

पुढे  

IPL 2020: मुंबई इंडियन्सचे सलामीवीर ठरले, रोहित शर्मासोबत 'हा' खेळाडू सलामीला उतरणार !
IPL 2020: मुंबई इंडियन्सचे सलामीवीर ठरले, रोहित शर्मासोबत 'हा' खेळाडू सलामीला उतरणार !

आयपीएलच्या 13 व्या मोसमाचं बिगुल वाजलं आहे. 13 व्या मोसमातील सलामीचा सामना खेळ....

Read more