रिक्षा ड्रायव्हरनं खरेदी केला 1.6 कोटींचा बंगला; आयकर विभागात गोंधळ
By MACHHINDRANATH PAWAR | प्रकाशित: मे 08, 2019 12:39 PM 2019-02-12T14:15:30+5:30
शहर : bangalore
बंगळुरूच्या एका रिक्षा ड्रायव्हरने आयकर विभागाला गोंधळात पडलेल आहे. यानं काही दिवसांपूर्वी एक बंगला खरेदी केला. त्याची किंमत आहे 1.6 कोटी रुपये. निवडणुकीच्या धामधुमीतच ही खरेदी झाली. म्हणून या रिक्षा ड्रायव्हरचे राजकीय संबंध आहेत असं वाचलं. पण तसं काही नसल्याचं आयकर विभागानं सांगितलंय. एका इंग्रजी वर्तमानपत्राच्या माहितीनुसार हा दानाचा मामला आहे. सुरुवातीच्या माहितीनुसार या सगळ्याचा संबंध अमेरिकन स्त्री लारा एविसनशी संबंधित आहे.
या माहितीप्रमाणे या रिक्षा ड्रायव्हरनं काही दिवसांपूर्वी पर्यटक असलेल्या 72 वर्षांच्या लाराला आपल्या रिक्षातून बंगळुरूला फिरवलं होतं. त्यावेळी बोलताना त्यानं आपल्या आर्थिक तंगीबद्दल तिला सांगितलं होतं. ही घटना 2006 ची. अमेरिकन लारानं रिक्षा ड्रायव्हरच्या मुलांच्या शिक्षणाची जबाबदारी घ्यायची तयारी दर्शवली. हळूहळू त्यांचे संबंध दृढ व्हायला लागले, तसा अमेरिकन स्त्रीनं बंगला खरेदी करण्यासाठी या रिक्षा ड्रायव्हरला पैसे दिले.
हे पैसे मिळाल्यावर ड्रायव्हरनं कर्नाटकच्या महादेवपुरा इथल्या जट्टी द्वारकामईमध्ये 15 रुम्सचा बंगला खरेदी केला.
त्यानं अशा वेळी हा बंगला खरेदी केला जेव्हा निवडणुकीचं वातावरण तापलं होतं. या रिक्षा ड्रायव्हरचं नाव सुब्रमणी नल्लुरल्ली आहे. त्याचं वय जवळपास 45 वर्षांचं आहे. त्याला पत्नी, 1 मुलगा आणि 1 मुलगी आहेत. आयकर खातं अजूनही तपास करतंय. सुरुवातीला बेनामी संपत्तीच्या दृष्टीनं तपासणी केली. पण चकित करणारी कागदपत्र मिळाली. अधिकार्‍यांनी सांगितलं की कागदपत्र पाहिल्यावर रिक्षा ड्रायव्हरनं सांगितलेली घटना खरी असल्याचं लक्षात आलं.
या सर्व घटनेत महादेवपुराचे विधायक अरिवंद लिंबावल्ली यांच्यावर लक्ष ठेवलं जातंय. ते कर्नाटक भाजपचे महासचिवही आहेत. असं म्हणतात या रिक्षा ड्रायव्हरबरोबर त्यांचे संबंध आहेत. सध्या आयकर विभाग सुब्रमणी नल्लुरल्लीची चौकशी करतंय. भाजप नेत्यानं सांगितलंय मी एकदाच या रिक्षा ड्रायव्हरला सार्वजनिक समारंभात पाहिलं होतं
मागे
कुणाचं सरकार येईल, कोण होणार पंतप्रधान जाणून घ्या भविष्य
ग्रहस्थिती पाहता लोकसभा निवडणुकीनंतर पूर्ण भाजपला बहुमत मिळाले नाही तरी घ....
अधिक वाचापुढे
मुंबई विमानतळावर एअर फोर्सचे एएन-32 विमान धावपट्टीवरुन उड्डाण करताना घसरले
मुंबई विमानतळावरील विमानांची उड्डाणे उशिराने होत असल्याने अनेक प्रवाशांन....
Read more
