आयसीसी वर्ल्ड कप 2019 : पाकिस्तानचे आता न्यूझीलंडकडे साकडे; सोशल मीडियावर मीम्सचा धुमाकूळ
By DAYANAND MOHITE | प्रकाशित: जुलै 03, 2019 12:56 PM 2019-02-12T14:15:30+5:30
.jpg)
शहर : मुंबई
ऑस्ट्रेलियापाठोपाठ भारतीय संघानेही वर्ल्ड कप स्पर्धेच्या उपांत्य फेरीत प्रवेश मिळवला आहे. उर्वरित दोन स्थानांसाठी इंग्लंड, न्यूझीलंड आणि पाकिस्तान यांच्यात शर्यत आहे. भारतीय संघाने रविवारच्या सामन्यात इंग्लंडवर विजय मिळवला असता तर पाकिस्तानचा मार्ग मोकळा झाला असता, परंतु टीम इंडियाला विजयी मालिका कायम राखता आली नाही. तरीही पाकिस्तान संघाने उपांत्य फेरीच्या अपेक्षा सोडलेल्या नाही. भारताकडून इच्छापूर्ती न झालेल्या पाकिस्ताननं आता न्यूझीलंडच्या गाऱ्हाणं गायला सुरुवात केले आहे. इंग्लंडला त्यांनी पराभूत केल्यास पाकिस्तानचा उपांत्य फेरीचा मार्ग मोकळा होणार आहे. त्यामुळे पाकिस्तानचे उपांत्य फेरीचे तिकीट न्यूझीलंडच्या हातात आहे आणि सोशल मीडियावर आजच्या सामन्यावर मीम्सचा पाऊस पडत आहे.
वर्ल्ड कप स्पर्धेच्या गुणतक्त्यानुसार ऑस्ट्रेलियाने 8 सामन्यांत 7 विजयासह 14 गुणांची कमाई केली आहे, तर भारतीय संघाने 8 सामन्यांत 6 विजयासह 13 गुणांची कमाई केली आहे. ऑस्ट्रेलिया आणि भारत हे अनुक्रमे पहिल्या व दुसऱ्या स्थानावर आहेत. तिसऱ्या व चौथ्या स्थानावर सध्या न्यूझीलंड ( 11) आणि इंग्लंड ( 10) आहेत. या दोन संघांसोबतच उपांत्य फेरीच्या शर्यतीत पाचव्या स्थानावर असलेला पाकिस्तानही ( 9) आहे. त्यामुळे चेस्टर ले स्ट्रीट येथे होणाऱ्या इंग्लंड - न्यूझीलंड या सामन्यावर पाकिस्तानचेही भवितव्य अवलंबून आहे.
न्यूझीलंड, पाकिस्तान आणि इंग्लंड यांचा प्रत्येकी एक सामना शिल्लक आहे. पाक आणि इंग्लंड यांना अनुक्रमे बांगलादेश आणि न्यूझीलंड यांचा सामना करायचा आहे. त्यामुळे दोन्ही संघांना हे सामने जिंकावेच लागणार आहेत. पाकिस्तानने विजय मिळवल्यास त्यांच्या खात्यात 11 गुण होतील, तर इंग्लंडने न्यूझीलंडला पराभूत केल्यास ते 12 गुणांसह उपांत्य फेरीत प्रवेश करतील. पण, चौथ्या स्थानासाठी मग पाकिस्तान व न्यूझीलंड यांच्यात चुरस पाहायला मिळेल. कारण दोन्ही संघांच्या खात्यात प्रत्येकी 11 गुण होतील. अशा परिस्थितीत नेट रनरेट चांगला असलेला संघ उपांत्य फेरीत प्रवेश करेल.
मागे
World Cup 2019 : १२ वर्षांपूर्वी निवड, पहिल्यांदाच 'वर्ल्ड कप'ची मॅच खेळणार हा भारतीय खेळाडू
आयसीसी वर्ल्ड कप 2019 : रोहित शर्माच्या दमदार कामगिरीच्या जोरावर भारतीय संघान....
अधिक वाचापुढे
अंबाती रायडूचा "टाटा बाय-बाय"
भारतीय क्रिकेट संघातील मधल्या फळीतील खेळाडू अंबाती रायडू याने अखेर क्रिके....
Read more
