मंत्रालयात डॉ. बाबासाहेब आंबेडकर यांच्या तैलचित्र व संविधानाच्या प्रास्ताविकेचे अनावरण
By Sudhir Shinde | प्रकाशित: सप्टेंबर 09, 2019 12:44 PM 2019-02-12T14:15:30+5:30
शहर : मुंबई
सामाजिक न्याय विभागाच्या पुढाकाराने आज मंत्रालयात भारतरत्न डॉ. बाबासाहेब आंबेडकर यांच्या तैलचित्र व संविधानाच्या प्रास्ताविकेचे अनावरण मुख्यमंत्री देवेंद्र फडणवीस यांच्या हस्ते होणार अशी माहिती सामाजिक न्याय मंत्री डॉ. सुरेश (भाऊ) खाडे यांनी दिली आहे.
डॉ. बाबासाहेब आंबेडकर यांचे तैलचित्र मंत्रालयाच्या इमारतीत असावे, अशी मागणी होती. या मागणीबाबत शासन सकारात्मक होते. या अनुषंगाने तैलचित्र लावण्याबाबतचा पाठपुरावा सामाजिक न्याय विभागाने केला होता. यासाठी सामाजिक न्याय विभागाने निधीची तरतूद केली होती. हे तैलचित्र मुंबई येथील प्रसिद्ध चित्रकार आर.टी. कांबळे यांनी बनविले आहे.
या कार्यक्रमाला विधानपरिषद सभापती रामराजे नाईक-निंबाळकर, विधानसभेचे अध्यक्ष हरिभाऊ बागडे, केंद्रीय अवजड उद्योगमंत्री अरविंद सावंत, विरोधी पक्षनेते, मंत्रीमंडळाचे सर्व सदस्य, सर्व पक्षांचे गटनेते उपस्थित असतील असे डॉ. खाडे यांनी सांगितले.
मागे
गेल्या 5 वर्षात महाराष्ट्रात 60 लाख व्यक्तींना रोजगार
राज्यात मागील 5 वर्षात 10 लाख 27 हजारांहून अधिक सूक्ष्म, लघू, मध्यम उद्योग आधार ....
अधिक वाचापुढे
डोंगरीत घरचा स्लॅब कोसळून एकाचा मृत्यू
काही दिवसांपूर्वी डोंगरी येथे इमारत कोसळून अनेकांचा मृत्यू झाला. आज सकाळी ....
Read more
