आता गोव्यात राजकीय भूकंप घडेल

मराठी
हिंदी
English
शुक्रवार, 17 मे 2024 09:11 am

पत्रकार मित्र

ठळक बातम्या कोलेस्टेरॉलची टेस्ट कधी करावी, कंट्रोलमध्ये कसं ठेवताल? जाणून घ्या. | ब्लड शुगर नियंत्रणात आणतात ही हिरवी पाने, जाणून घ्या कसे करावे सेवन. | पपईसोबत कधीच खाऊ नयेत ही फळे, अन्यथा गाठावे लागू शकते हॉस्पिटल. | नव्या वर्षात अंगी बाणवा ‘या’ सवयी, आजार पळतील दूर…. | जास्त मीठ खाताय तर हे आजार झालेच समजा, वेळीच सावध व्हा अन्यथा जावू शकतो जीव. |

आता गोव्यात राजकीय भूकंप घडेल - संजय राऊत

By DAYANAND MOHITE | प्रकाशित: नोव्हेंबर 29, 2019 11:36 AM 2019-02-12T14:15:30+5:30

शहर : देश

शिवसेना खासदार संजय राऊत यांनी महाराष्ट्राचं मुख्यमंत्रीपद खेचून आणल्यानंतर आपला मोर्चा गोव्याकडे वळवला आहे. आता गोव्यात राजकीय भूकंप घडेल, असा इशारा संजय राऊत यांनी भाजपला दिला. 40 विधानसभा सदस्य असलेल्या गोव्यात सध्या भाजपच्या नेतृत्त्वात प्रमोद सावंत यांचं सरकार आहे. हे सरकार उलथवून टाकण्याचा इशारा संजय राऊथ यांनी दिला.लवकरच गोमंतक पार्टीसोबत हातमिळवणी करुन आम्ही गोव्यात सरकार स्थापन करु, असं संजय राऊत म्हणाले. इतकंच नाहीतर आता हळूहळू प्रत्येक ठिकाणी आमचंच सरकार येईल, अशी गर्जना संजय राऊत यांनी केली.

“गोवा फॉरवर्ड पक्षाचे अध्यक्ष आणि माजी उपमुख्यमंत्री विजय सरदेसाई आणि 3 अन्य आमदार हे शिवसेनेसोबत युती करत आहेत. गोव्यात नवी युती आकाराला येईल. जे महाराष्ट्रात घडलं, ते गोव्यात घडेल. गोव्यात लवकरच चमत्कार घडेल”, असं संजय राऊत म्हणाले.

गोव्याचे 4 आमदार महाराष्ट्रात

गोव्यात आमदार फोडाफोडीचे राजकारण सुरु, ‘गोमंतक’चे 4 आमदार मुंबईत, शिवसेना आमदार उदय सामंत यांनी 4 आमदारांना लेमन ट्री हॉटेलमध्ये ठेवल्याची माहिती मिळत आहे.

गोवा विधानसभा

गोवा विधानसभेसाठी 2017 मध्ये निवडणूक झाली होती. सध्या गोव्यात भाजप युतीचं सरकार आहे. यामध्ये भाजप, गोवा फॉरवर्ड पार्टी, महाराष्ट्रवादी गोमंतक पक्ष आणि अपक्षांचा समावेश आहे. गोवा विधानसभेच्या 40 जागांपैकी सध्या काँग्रेसकडे सर्वाधिक 14 जागा होत्या. तर भाजप आमदार फ्रान्सिस डिसूजा आणि मनोहर पर्रिकर यांच्या निधनाने भाजपकडे आता 12 आमदारांचं बळ राहिलं. गोवा फॉरवर्ड पार्टी, महाराष्ट्रवादी गोमंतक पक्ष आणि अपक्ष असे 3-3 आमदार आहेत, तर 1 आमदार राष्ट्रवादीचा आहे.

गोवा विधानसभेसाठी 2017 मध्ये विधानसभा निवडणूक झाली होती. त्यावेळी 40 पैकी 17 जागा मिळवून काँग्रेस सर्वात मोठा पक्ष ठरला होता. मात्र भाजपने अन्य पक्षांशी जुळवाजुळव करुन सत्तास्थापन केली होती. भाजपला त्यावेळी 13 जागा मिळाल्या होत्या. भाजपला गोवा फॉरवर्ड पक्षाच्या 3 आणि महाराष्ट्रवादी गोमंतक पक्षाच्या 3 आमदारांनी पाठिंबा दिला होता.

काँग्रेसचे 12 आमदार भाजपसोबत

दरम्यानच्या काळात मोठ्या उलथापालथी झाल्या. मनोहर पर्रिकर यांच्या निधनाने गोव्यात प्रचंड राजकीय घडामोडी घडल्या. काँग्रेसच्या 12 आमदारांनी भाजपला साथ दिली. त्यामुळे भाजपचं संख्याबळ 27 वर पोहोचलं.